[poem=font="simplified arabic,5,blue,bold,normal" bkcolor="white" bkimage="../backgrounds/8.gif" border="outset,5,blue" type=1 line=0 align=center use=ex num="0,black"]
يامجالس ربعي السلمان يهل الاعتزاز=جيتكم حافي قدم كل الدروب ادلها
في بلدكم جا ولدكم ولاعنده جواز= والمسافر ديرته لا بد ما ياصلها
ماتوقف لو بدربي مسامير وقزاز=الصعاب تهونلي من شانكم وازلها
ياسليم انتم ربوعي يالرياجيل العزاز= العرب تشهدلكم بين القبايل كلها
فالحجاز انتم سكنتم ياعمد كل الحجاز = يازحول اللابه ألي من يبااها دلها
جيتكم والقصد واحد ولافيه انحياز=اغزي قلوب العرب بالشعر لين احتلها
وكان انا مااكتب قصيدي بالكلام ألي يجاز=علموا عبدالله الرتبه يروح يشلها
وامنحوني مرتبة فاشل بتقدير امتياز=كان انا مااروي عطوش القافيه وابلها
والله اني عارف ان الشعر ضلع مايراز=ميرانا قد المهمه ياعرب قد لها
ماجلبته فالمدينه وفي سوق المجاز=القصايد قدرها بالصدر لا ما املها
اعشقه عشق البنيه لزفات الجواز=لا طروا من عندها ذكر الجواز وخلها
واعشقه عشق بدوي للكرم والطيب حاز=لاحضر في مجلسه صب الدلال وزلها
ماكتبته من عبث ولا كتبته خاز باز= ولا كتبته من غثى حتى الكبود اعلها
ابك انا لاجا قصيدي يعد اعلى طراز= والقصيده تنثي لي غصب يوم اهلها
يوم راح الشبرمي وبشاعر المليون فاز=يكفي اني عندكم قلت القصيده كلها
ماعليه من ربوع يجاز ولا مايجاز =الفخر لي بالقصيده كان جات بحلها[/poem]

__________________