\7

[poem=font="simplified arabic,5,black,bold,normal" bkcolor="burlywood" bkimage="" border="outset,6,skyblue" type=0 line=0 align=center use=ex num="0,black"]


شى بقلبى يـا مـلا حايـرن فيـة=شىء تحير ابة العقـول الفهامـى

مخفيـة بفـوادى ولا ودى ابديـة=وادور الخيـرات شرقـن وشامـى

احترت بة ما شفت شـى يحاليـة=واليوم ابنشد عنـة مانـى بكامـى

سيل حدر مع وادى غيـر واديـة=مـدرى حـلال مـاة والا حرامـى

كانة حلال جايزن شـرب صافيـة=وش حللة يـا مفسريـن الحلامـى

هاتوا تفاصيلـة وهاتـوا معانيـة=نبى الدليل اللـى عليـة الكلامـى

نبى دليلن يفهـم الـدرب ماشيـة=يمشى بة التايـة بليـل الظلامـى

يمشى بة التاية ويقـدى مواطيـة=ويشرب قراح الما لياصار ضامـى

لا شك هجسى يوم خـلا مماشيـة=انـة حـرام ومنـة زود الاثامـى

احرم مـن الزقـوم مـرة وحاليـة=وشربة على الضامى يزيد الهيامى

اللـة مـن قلـب همومـة تقزيـة=تدك بـة مثـل الجـراد التهامـى

من ما جرى قامت تتلـة مشاحيـة=تل الرشا من فوق هدف المقامـى

روابـع قامـت تصيبـة وتخطيـة=شاف الهوايل واختـلاف الاسامـى

ما يسمع الداعى اليا قـام يدعيـة=يعوم فى بحـر مـن الهـم طامـى

ما ينتبـة للـى بصوتـة يناديـة=يزيـد همـة يـوم كلـن ينامـى

يشوف وقتن مـا عرفنـا تواليـة=وقت يشّيب منـة ابـن الفطامـى

هـذا زمانـن كاثـرات بـلاويـة=الغيم يقلـب فيـة عـج وكتامـى

يا بعد شرب الما على كبد راجيـة=ما سيل الغبـرا زعـوج الجهامـى

انبيك يا من كلمة الحـق ترضيـة=اعطيك ما ينفعـك وافهـم كلامـى

قصـرن يذلـك لا تقابـل مبانيـة=خلة عسى شامخ طويلـة هدامـى

خلة عسى ما صاب اغادير يفنيـة=يـودع منازلـة الطويلـة رجامـى

لوزان مدخالـة وطالـت حواميـة=شيّد على الخيبـة قليـل الرحابـى

وحـى يوريـك المذلـة وتغلـيـة=أنا أشهد أنك ميت القلـب عامـى

مـن لا يـودك لا تـودة وترجيـة=ارفع مقامك يـا عزيـز المقامـى

ارفع مقامك عن عـدوك وتوذيـة=ويلحقك من تركت رفيقـك ملامـى

حـق الرفيـق وواجبـة لا تخليـة=يلزمك مثـل الوالديـن الحشامـى

اختر عزيز الجار والحـق يعطيـة=شبل على هرجـن يقولـة يحامـى

ما دك بة عـرج المذلـة وطاريـة=يسبق على فعل الفضيلـة شمامـى

ومن قارب الاجرب بالامراض يعدية=عدواة تسطـى باللحـم والعظامـى

درب السلامـة بيناتـن مماشيـة=ودرب العطب يرث عليك اللكامـى

ابعد وقلبك نـازح البعـد يشفيـة=وتلقى عن الدار البغيضـة مقامـى

دارن بدار وداعى الـذل عاصيـة=ولا تقبل الذلـة نفـوس الكرامـى

الـذل مـوت حايمـات ضواميـة=ادخل على منزل فروض الصيامـى

عن مقعد بالـذل عينـك تراعيـة=الموت عند الذل امـان وسلامـى

يرضى المذلة من تـردت هقاويـة=والذل يجفل منـة قلـب العصامـى

والعبد لة رب عن النـاس يغنيـة=ولولاة ما صاب الهدف كل رامـى[/poem]

__________________