[poem=font="simplified arabic,4,darkred,normal,normal" bkcolor="skyblue" bkimage="" border="solid,4,gray" type=0 line=0 align=center use=ex num="0,black"]
[poem=font="simplified arabic,4,indigo,normal,normal" bkcolor="skyblue" bkimage="" border="solid,4,gray" type=0 line=0 align=center use=ex num="0,black"]

هذه القصيدة كتبت في عام 1419هـ في رثاء الشيخ ردة الله بن جبرين السريحي السلمي ـ رحمه الله تعالى ـ

الموت حق وكل حي يتحراه = ولو طال عمر العبد مسرع زواله
مات السريحي واصبح القبر مثواه = حكمٍ حكم به عاليٍ في جلاله
مات السريحي مير ما مات طرياه = يبقى على طول الزمان ولياله
مرحوم يا شيخٍ قضى كل دنياه = ما بين نصح وبين صلح ودلالة
كم ليلةٍ سهران والنوم ما جاه = مشغول فكره فالقضايا وباله
وكم واحدٍ زعلان قد جاه وأرضاه = وكم صعبةٍ بيديه صارت سهالة
ما فيه واحد ما استفد من وصاياه = يكود جاهل معْمِيَتْه الجهالة
أبو عطية فالمواقيف تلقاه = له ماقفٍ مشهود في كل قالة
يشهد له اهل العرف من كل مجهاة = وقت اللوازم ما تقصر حباله
مرحوم يا شيخٍ على الطيب ممشاه = ما راح عنه يمين والا شماله
خلّفت تاريخٍ للاجيال تقراه = يضفي على الظلمة من النور هالة
ذاك السريحي كل صعبٍ تحداه = ما صد عنه وقال مالي وماله
حاز السيادة والشجاعة بيمناه = وما فيه حمل الا ارتكى له وشاله
من هو جهل به يعرفه من مزاياه = الظفر جده والنشاما خواله
لو كان يفدى بكل غالي فديناه = واثر المنية حاصلة لا محالة
عز الله انا ما سعدنا بفرقاه = لكن يا ربي تعوض بداله
يالله ياللي كل عبد يترجاه = عساه في الفردوس حطت رحاله
يقوله اللي منبر الشعر عداه = بندر وبندر واحدٍ من عياله


شعر: أ/ بندر بن عبد الولي السريحي السلمي[/poem][/poem]