[poem=font="Arabic Transparent,5,black,bold,normal" bkcolor="" bkimage="" border="none,1," type=2 line=0 align=center use=sp]أمشي مع الدنيا واشـوف العجايـب=دنيا تقلـب كـل يـومً علـى حـال
عرفتهـا مـن واقعـي والتجـارب=أفكـار يادنيـا التجاريـب واهـوال
أحدً ضحك بالسن ضحكة حبايـب=في مظهره ولا الفعل فعـل محتـال
أخيـر منـه ناقضـات الـذوايـب=أللي بضحكتهـن تجـدد لـي آمـال
دنيـا تعكـر صافيـات المشـارب=تبعد عزيزً دوم ذكره علـى البـال
واشوف فيها كـل خايـب وطايـب=وكلً يغني داخـل القلـب مـوال
وكلً على مبداه مخطي وصايـب=والعرف مابيـن الرجاجيـل تمثـال
عرفت قـومً يحتمـون المذاهـب=واشوف ناس مالهـم طيـب ينقـال
وخاويت ربعً واعتبرهـم قرايـب=لـو ماتلاقينـا بـعـمً ولا خــال
هم في حياتـي منوتـي والطلايـب=وأنا اعتبرهم للزمن رووس الأموال
هم مسندي لن هب ريـح الهبايـب=بالعسر كلً للحمـل صـار شيـال
وإن طحت من جورالزمن في غبايب=كلً على شاني يطوح لـي عقـال
وإن عاش راسي قبل وضع النصايب=لأبقى على هقواتهـم قـول رجـال
هذا شبابـي قبـل ماصيـر شايـب=عسى خواتيم العمر طيـب الأعمـال [/poem]