طاروقين لشاعرين عظيمين / ابومشعاب -مستور العصيمي
اقدم لكم هذه الطاروقين الجميلين للشاعرين / عوض الله ابو مشعاب و مستور العصيمي
الطاروق الاول
عوض الله السلمي
موعدك يامستور مابين الثرياء والغيـوم
قدمك ملآئكة السماء اقلط واستظل بظلها
اصعدعلى ذات الجناح اللي تنسيك الهموم
وليا و صلت بعافيه زبدة علومك هلهـا
مستور العصيمي
أنته على سطح القمر ولا على سطح النجوم
ولا يبو مشعـاب محتـل الكواكـب كلهـا
اللي معه جنحان يقدر حيث مايبغى يحـوم
واللي يدور للـدرو ب البارحـات يدلهـا
عوض الله السلمي
الورد والعنبر وطيب المسك وروات العلوم
اما روايه عابـره والا صـلاه وصلهـا
ياقاضي الحق استمع فيما يقلون الخصـوم
وليا سمعت السالفه ياشيخ عطنـا حلهـا
مستور العصيمي
الدايم الله جل شانـه والخلايـق ماتـدوم
افطنلها قـدام لاتطلـق رسنهـا افنطنلهـا
ياقاضي الحق قل لعوض الله تريح ومخدوم
واللي يباله حاجةِ في خاطرة يـا صلهـا
عوض الله السلمي
لاتلتفت للارض اناخايف عليك من الرجوم
وانته ليا جتك النجوم رجوم وش تعملهـا
ان كان مالك عزم تاقف مع قويين العزوم
خل المواقف عند غيرك يالعصيمي خلهـا
مستور العصيمي
خلك على خط الدفاع بعيد عن خط الهجوم
مانته بلاقـي يالبقيلـي ديـرة ٍ تحتلهـا
مال اللزوم الا الرجال اللي يسدون الزوم
والكلمه اللـي ماتناسـب لاتزيـد تعلهـا
عوض الله السلمي
حنا نبيك تقـوم وانتـه فـي محلـك ماتقـوم
الواجـب انـك ماتغيـب والسيـوف تسلهـا
ليتك مع اهل الشوط الاول يوم ضربات السهوم
وانته منول يـا و سيـع المعرفـه عـم لهـا
مستور العصيمي
السوق ابو مرزوق للي يشتري واللي يسوم
خل العرب تشرب رها لين الحلوق تبلهـا
مادامها ماوصلت الدعوى ليا فرك الخشوم
اللي يصلي بالعرب ياصاحبي يـذن لهـا
88888888888888888888888888888888888888888888888888 88888888888888888888888888888888888
77777777777777777777777777777777777777777777777777 77777777777777777777777777777777777
الطاروق الثاني
مستورالعصيمي
مرحبا بالصاحب اللي صحبته ماهي جديده
كل مايطري علي يسوقني يمـه طـواري
عاهديبه قبل عام الفين يشرب من زبيـده
والعشيه مايبل الريق غير مـن الخبـاري
عوض الله السلمي
البقاء ياصاحبـي حسـب المخـوه والعقيـده
اعلم اني في انتظارك وانت خلك في انتظاري
قبل عام الفين يـوم إنـا شراكـا فالقصيـده
ما وردنا الا على هداج تيمـاء وانـت داري
مستورالعصيمي
هاك علمي يالبقيلي واعطنـي جملـه مفيـده
لاتـدور للحقيقـه يالبقيلـي عنـد غـاري
انت في بعض الامور اقول وش هذا الوليـده
مير في بعض الامور تصير اذل من الحباري
عوض الله السلمي
علمك الي تطلبه يالله عسى ايامـك سعيـده
تخبره من غير اذكر كيه ياذيـب الغـداري
انت في بعض الامور تصير اذل من الشريده
مير في بعض الامور تصير رجال انتحاري
للا مانه منقوووووووووووول
__________________
|