السلام عليكم ورحمة الله وبركاته

اسعد الله مساكم / صباحكم بكل خير

بعد انقطاع دام طويلا عن هذا المنتدى الرائع برجالاته اعود اليكم مجددا بهذه القصيدة المتواضعة امام جمال حضوركم



اترككم مع القصيدة


وجه الربيع

ياناشدٍ عن جونا . جونا زين
اشياء جميلة زينت ديرة ابها

وجه الربيع ليا ابتسم للبساتين
منظر جمالي وصفه ارق وابها

والشمس مثل الكحل وابها هي العين
شوف الضيا فيها يداعب هدبها

والعطر فيها من ورود الرياحين
لا داعب النسناس صافي شذبها

صباحها يلبس لك احلا الفساتين
هي فاتنة يابخت منهو خطبها

فستانها بالصبح ورد البساتين
تزينت واضحت تغازل سحبها

والا الضباب يمد لجباها يدين
ثم يحتضنها لين يغسل تعبها

هو عاشق متيم بها عدة سنين
وابها البهيه عاشقه من طلبها

ترقص سحايبها على جبالها لين
غنت مطر ورعودها هي طربها

وليا وصفت الليل .. جو المحبين
هو غاية العشاق مأوى عتبها

فيه الظلام لثام يا وجهها الزين
عذرا بدو بلثامها زان ادبها

والبدر مبسم بنت في عمر عشرين
ثمانه احلا من قلايد ذهبها

الوصف يعجز لو كتبت الدواوين
كم شاعرٍ قبلي عجز يوصف ابها

لكن مشاعر خاطري تعشق الزين
والزين بابها دايم ارق وابها


تحياتي للجميع


ابراهيم السلمي

__________________