[poem=font=",6,black,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
اواه من همٍ على القلب مبداه=غيّم على الديره وهلت مزونه

حزن وزفير آهات اه بعـد اه=على فقيدٍ حوّل المـوت دونـه

اقبل عليه وجرّع الناس فرقاه=متخفيٌ بسكات واغمض عيونه

في ليلة الجمعة صلاة ومناجاه=القلب من فرقاه دامي طعونه

ناديت يا بوي ولا ردلي هاه=متغير بالحال شكله ولونه

ناظَرت في وجهه ومبسم شفاياه=وحبيت خشمه والعيون وجفونه

مرحوم يا شيخ من الطيب مجناه=كل الخلايق بالوفاء يعرفونه

سويتلك صيت وسويتلك جاه= وبنيتلك قصراً جويده ركونه

ويالله عسى الجنه نعيمه ومثواه=في جنة الفردوس روحه مصونه[/poem]

__________________