طرت لي علوم ماهي من سلوم الناس في شي
بعد طرت لي تهيض خاطري جاب القرايح

لقيت بعض العرب يمشي وفي تعامله سي
مادري كبر منه ولا ماسمع بعض النصايح

ياللي تسلى تهرج فالبشر لحم البشر ني
هذي تراها تسمى عند خلق الله وقائح

غوت بك الصحبه اللي تتبع الغاوين والغي
ورا المصالح ولا منهم عليك اليوم نايح

بعض الأصاحيب ماينفع ولا يسقيك من مي
لو كان شفته مع أهل العرف وآصحاب المشالح

حذرا تصاحب قصير الحبل ولا تصاحب العي
العي لو كان نشته جاب لك كل الفضايح

وخلك ملازم رجالٍ طبعها من حاتم الطي
طيب نبهاه ولن خاويتها تلقى الفلايح

الجرح ماله علاج ألا نحمي ميسم الكي
ونعطيه حميه وفوق الحمي نعطيه النصايح

هذي نصيحه نفرغها من الحقران ياخي
مابي وراها مديح ولا نبي منها مدايح

مانته معمر وفوق الأرض قاعد دئمن حي
بكره تطبق عليك من الحصى عدة صفايح

نفاع الربيقي

__________________
اللهم صَلِّ على سيـّدنا مُحمـّد عدد ما ذكره الذّاكرون الأبرار و صَلِّ اللهم على سيـّدنا مـُحمـّد ما تعاقب اللـّيل و النـّهار و على آله و صحبه من المـُهاجرين و الأنصار و سلِـّم تسليماً كثيراً ، برحمتك يا عزيز يا غفـّار