السلام عليكم ورحمة الله وبركاته
أخواني وأخواتي في منتديات بني سليم بن منصور أتشرف بأن أضع بين أيديكم هذه القصيده بعد إكتمالها اللتي قصدت من جلها النصح أرجوا أن تروق لكم

شفك على الدنيا وفي رجلك سبوق
والناس مثلك كلها متسابقه

ماتدري أن الله هو الرزاق فوق
وأخر مصير القبر فوقك طابقه

والطير يرقى فالسماء فوق البروق
مارد عنه الموت كفخة سابقه

واللي سبق لابد يلقى له لحوق
لو كان في صدره يشوقه خافقه

واللي طعم حلو الزمن لازم يذوق
مُره ومُر الوقت كلٍ ذايقه

واحذر قبل مالدم ياقف فالعروق
والحمل يالمسكين مانت بطايقه

والوقت مايصفي ولا عمره يروق
وإحذر من لدنيا تراها بايقه

وكم غابق أقفى مالحق فوق الغبوق
وصبح غبوقه غيره اللي غابقه

ولو قلت لامك أُف يالمسلم عقوق
وأبوك لايلقى علوم تضايقه

من بعد في هذا الزمن ضاعت حقوق
والما بعد يُنثر من اللي حايقه

وبعض العرب مثل السهم دايم مروق
وكلمة مروق تجوز فوقه لايقه

والله خلق بين البشر بعض الفروق
ولايمكن أفكار البشر متطابقه

(بقلمي)
نفاع الربيقي السلمي

__________________
اللهم صَلِّ على سيـّدنا مُحمـّد عدد ما ذكره الذّاكرون الأبرار و صَلِّ اللهم على سيـّدنا مـُحمـّد ما تعاقب اللـّيل و النـّهار و على آله و صحبه من المـُهاجرين و الأنصار و سلِـّم تسليماً كثيراً ، برحمتك يا عزيز يا غفـّار