بن عتقان
مرحبا بالصاحب اللي صحبته محفوفه***بالمخاطر والمخاطر ماحد(ن)يبغاهـا
صاحبي معتق يغامر وأبتلش بظروفه***لو يسوي له مصيبه قال مـا سواهـا
معتق
البقاء بالصاحب اللي قام يظهر خوفه ***من نطق كلمة على وضح النقاء يحماها
صاحبك معتق ياويلك تنكر لمعروفه *** يوم حدتك السباع اللي تلج عواها
بن عتقان
خطتي وسط الصميم وخطتك مكشوفه***والغلط وشلون تعلنها قبـل تبداهـا
قصر في بغداد والثاني بوسط الكوفه***بلغ أهل الغرب لا تقدر ولا يمداهـا
معتق
انت معروف وتحارب عالم معروفه ***مايحس الجمرة اللي واحد ياطاها
صاحبي شفناه بالحنى يخضب كفوفه *** يوم شاف ام الكباير زودت حناها
بن عتقان
كل واحد لجل عبدالله يحد سيوفه***يشغل الدنيا من أدناها إلين أقصاها
نظرة(ن) مني تخلي حالته مأسوفه***لو بعضهم يقبل النظرة ولا يسواها
معتق
اسم عبدالله ما يفجعنا و ( سبع حروفه ) *** وان حذفنا اربع حروف الناس وش تقراها
انت لو تنظر تشوف اللي سليم تشوفه *** ديرتك خضراء وسيعة والدباء يرعاها
بن عتقان
أنت ثوبك صوف والموت الحمر في صوفه***أسفل الدنيا متى تضحـك لوجـه أعلاهـا
عمك اللي شكل قدره مـا يسـد ضيوفـه***وش تقول إن كثروا ضيوفـه ولا عشاهـا
معتق
مشكلة لا شفت لك واثق يهز كتوفه *** وأن نصحته قال (حر ) وكلمتك ما ابغاها
شفت عبدالله يدس العملة المصروفة *** كان راسي حي ياالسلمان غير القاها