عبدالله عتقان
مرحبا بالصاحب اللي صحبته محفوفه *** بالمخاطر والمخاطر ماحد(ن) يبغاها
صاحبي معتق يغامر وابتلش بظروفه *** لو يسوي له مصيبة قال ما سواها
معتق العياضي
البقا بالصاحب اللي قام يظهر خوفه *** من نطق حكمه على وضح النقا يحماها
صاحبك معتق يا ويلك تنكر لمعروفه *** يوم حدتك السباع اللي تلج عوها
عبدالله عتقان
خطتي وسط الصميم وخطتك مكشوفه *** والغلط وشلون تعلن قبل ما تبداها
قصر في بغداد والثاني بوسط الكوفه *** بلغ اهل الغرب لاتقدر ولا يمداها
معتق العياضي
انت معروف وتحارب عالم(ن) معروفه *** ما يحس الجمرة إلاّ واحداً ياطاها
صاحبي شفناه بالحنى يخضب كفوفه *** يوم شاف ام الكباير زودت حناها
عبدالله عتقان
كل واحد لجل عبدالله يحد اسيوفه *** يشغل الدنيا من ادناها إلين اقصاها
نظرة (ن) مني تخلي حالته مأسوفه *** لو بعضهم يقبل النظره ولا يسواه
معتق العياضي
اسم عبدالله ما يفجعنا و(سبع حروفه) *** وان حذفنا اربع حروف الناس وش تقراها
انت لو تنظر تشوف اللي سليم تشوفه *** ديرتك خضراء وسيعه والدبا يرعاها
عبدالله عتقان
انت ثوبك صوف والموت الحمر في صوفه *** اسفل الدنيا متى تضحك لوجه أعلاها
عمك اللي شكل قدره ما يسد ضيوفه *** وش تقول إن كان كثروا ضيوفه ولا عشاها
معتق العياضي
مشكله لا شفت لك واثق يهز كتوفه *** وأن نصحته قال (حر) وكلمتك ما ابغاها
شفت عبدالله يدس العمله المصروفه *** كان راسي حي يا السلمان غير القاها