مصافحه بعد غياب ~
عسى أن تحضى بإعجابكم
[poem=font=",5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يالوقت جورك جور وشلون أجاريك=حيلي قضى والصبر مني سلبته
من كثر لوعاتك وغدرك وخافيك=وشيءٍ مع الأيام غصب أرتكبته
كم غيبت شمسك نجوم ٍ تحليك=وبعد الغياب المر علقم شربته
أسهر وأعاني وأفتكر في مآسيك=عنوانها بين الحنايا كتبته
كل يوم أشوف تشين صفحة مباديك=ولا أدري وش اللي في زماني كسبته
عشرين من عمري قضن في مساعيك=وأربع وراهن والزمن مارغبته
وأقول باكر يوم يا وقت قافيك=لكن ما أضمن حسبته لو حسبته
لكن لن الله مدني بالعمر فيك=وباقي من أيامي رصيد أرتقبته
رجاي فالمقبل ولا عاد ماضيك=اللي ربوعه ما أختلف عنه سبته
ويارب صبرني وأنا عبدك أدعيك=ما غيرك أحدن يا إلهي طلبته
أنت الوحيد اللي ليا ضاقت أرجيك=مني صبر والأجر منك أحتسبته
[/poem]