المشاركة الأصلية كتبت بواسطة عبد الله الصادري

السلام عليكم و رحمة الله و بركاته
أعزائي منسوبي و زوار منتديات قبيلة سليم بن منصور
أود أن أضع بين أيديكم قصيدتي المتواضعة و التي تعبّر عما فيها

"
ديـــرة سليـــم
"

[poem=font=",6,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/25.gif" border="none,4," type=1 line=0 align=center use=ex num="0,black""]
سبحـانـك اللهـم رب الأوليـن الأخريـن=مبدل الجو اللهيب إليا هماليـل و سحاب

الجو غايم و العرب في هالمدن متحضرين=يم البحر مكشاتهم ما هو على روس الهضاب

يا وجد حالي وجد من فارق هل العلم الرزين=اللي ليا شاورتهم تنصحك بالشور الصواب

عز الله إن القلب يعشق و الديار إلها حنين=و الناس مع كثرة مشاغلها تعود للإياب

ترجع لديرة جدها الأول و لو من بعد حين=تروي حنين قلوبها اللي به صميم القلب ذاب

إذا عجز عاشق عن الوصل و قضى وقته حزين=ما له جدا غير المراسَل, يا عسى علمه يجاب

و أنا تخيرت الهجوس مراسِلة و الله يعين=يا كود تقدر تقلب أجواء الحشا برد و ضباب

بغمّض عيوني و أبأنسى وش شمال و وش يمين=و ألبّس المرسول من بيض العمائم و الثياب

يا هاجسي ما عاد لك في هالدير حصن حصين=إنهض, و سيّر في سماء العليا و وجّه للغياب

إتبع شعاع الشمس, و إحذر إنتبه خلك فطين=دوّر ديار العزوة اللي دائم تحل الصعاب

ديرة سليم اللي لهم في خاطري قدرٍ ثمين=يا زين هاك الديرة اللي في رباها الفال طاب

أقبل على الكامل ترى له في الحشا حبٍ دفين=حبٍ تروى به جسد, يسلك عروقه بإنسياب

سلّم على أصحاب الوفا, أخوان في مذهب و دين=الشلّه اللي فردهم لا من نخيته جاب جاب

حوّل على إيهالا, على الفوقاء ديار الأقربين=حوف القرية و الجبلو العين و الحصن المهاب

يا هاجسي سيّر على ديار القروم الغانمين=من أسفل الديرة إلى أعلاها مروراً بالعياب

و إليا إنتهى وقت التخيّل, و إبتدى الواقع يبين=نمشي مع دروب الزمن لو للزمن عشرين باب

يا الله يا رب السماء, يا مهوّن الصعب و يلين=تجبر بخاطر عاشقٍ حدّه زمانه لين غاب[/poem]

أتمنى أن تحوز على إستحسانكم و رضاكم

محبكم

عبدالله الصـادري