مسائكم / صباحكم ورد

ياللي نحرت بخنجر الحب صدري

واهويت كف(ن) لين قطعتها عروووق


خذني معك يازين للموت بدري

خذني معك مدام ذابحني الشوووق

( واليوم فرقانا ترى جات منه )

ادري تشوف اللي كتبته وتقراه

وتجر من جوف المعاليق ونه


اسمع صداها لا تنهدت بالآه

واصيح عني مدري اصيح عنه


الموت حدق في عيوني بعيناه

واقول يارب العوض منك جنه


والا الحبيب اللي فقدته ابنعاه

وابكيه دامه حي من دون منه


وانوخ ركاب القوافي لذكراه

وارحل بها والصدر لاهوب كنه


واسرج حصان الفكر واقول يالله

هون علينا وانتخي به واعنه


صوب الذي في عالية نجد منشاه

برد الشمال يمر داره ويحنه


اسمه قريب من التنهات ابلقاه

وبصدور خلق الله موجود اظنه


لولاه ماشفت الأسد صدق لولاه

يرعى غزالن توه صغير سنه


اسقيت قلبه من بعد قلبي اسقاه

واليوم فرقانا ترى جات منه


يقول سامحني ويضرب محياه

واقول مسموح وخذ القاف غنه


سامحك ربي من هنا لين تلقاه

وغفر لك ذنوبك مع انسه وجنه


واوجد حالي من بعد ما سكت فاه

وجد(ن) عليَّه فرض ماهو بسنه


حرام لعيش العمر ما اتناساه

واحفظ غرامه في خفوقي واكنه


واضحك واسولف وابذل الطيب والجاه

وقلبي عليل(ن) والمفارق يذنَّه


وانخى بني عمي ونايف وخوياه

واعقل بعض لحظات وارجع اجنه


ما فات مات ومات يوسف بلياه

مير العوض يالله رحمه وجنه

( وسلامة قلوووب الجميع )