رد: ديوان الشاعر / سيف عايض الصادري
البارحه قمت اتقلب وانادي
والناس من حولي يقولون وش صار
وشبك تهذري قلت ذا شي عادي
بس اعذروني وسوسة هم وافكار
والهم جرح بين الاضلاع زادي
ابكتمه مدفون مع باقي الاسرار
يانفس ماينفعك كثر الرقادي
من كثر ذنبي خايف اروح للنار
شوف الجمل ركبت فوقه شدادي
قبل الرحيل وقيل لانخلي الدار
طال السفر وانا قليل عتادي
ماعاد لي قدره على حمل الاخطار
يالله يامنشي المزون الجدادي
يامنقذ ابراهيم من شعلة النار
افتح لنا درب رشيدا سدادي
واصلح لنا الاعمال في سر وجهار
وافتح لنا يالله درب الرشادي
واكتب لنا الخيرات في كل مسيار
مشت بنا الاهوى على كل وادي
وصرنا نمثل دور في كل الادوار
صرنا نصادق للعدو المعادي
وهو على كيفه يعدل في الافكار
|