اسعد الله جميع اوقاتكم باليمن والمسرات
من جديد نعود وكلنا شوق لمصافحة هذا الصرح الشامخ برجالاته الذين عودودنا على الابداع والتميز دائما
قصيدة تحكي واقعها
اترككم مع القصيده
ملامح سكاتك
الحب غيمة صيف والشوق ماطر
والارض قلبي والمسافه غلاتك
مع كل وجهاتك لك القلب ناطر
مادام اعشقك مابضيع جهاتك
ياللي على شانك وطيت المخاطر
انسى حياتي وافتكر في حياتك
في كل شي انا املكه صرت اخاطر
ضيعت روحي لاجل حبك وذاتك
تعال خذني من دموعٍ تقاطر
وامسح دموعي لا دنيت بعباتك
خذني عليك ولمني لا تباطر
تراي مجنون الهوى من حلاتك
ياللي من اسبابك كرهت المعاطر
وانت العطر واصل العطر من شفاتك
بسمة شفاتك بالحكي ما تشاطر
والصمت يخجل من ملامح سكاتك
والوصف يعجز فيك شعر وخواطر
والعذر مابه شي يحكي صفاتك
وشلون ابوصف والحلا فيك شاطر
من زود زينك شوف ما احلى عباتك
لكن ياخلي اذا ليَ خاطر
ارحم خفووقي زين واعرف غلاتك
تحياتي للجميع
اخوكم
ابراهيم السلمي
الاخ \ ابراهيم النقريني
صح لسانك وسلم بنانك
على هذا النص المتميز
في الفاظه ومفرداته
ابداع
وجمال شعري
رائع