المشاركة الأصلية كتبت بواسطة حمدان بن مقحص

[poem=font=",7,darkblue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black""]
ألا يالله سألتك يالعظيم الواحد الخلاق=سألتك باسمك الأعظم من الفردوس عاليها
كسير الخاطر أصعب فالحقيقه من كسير الساق=ومحيطات التجارب تسحر العاقل شواطيها
إذا مافيك دين ولا على صدرك وسام أخلاق=حياتك ضايعه وامرارها تغلب حلاويها
على طاري فراق أحباب عين وفلسفة عشّاق=أسلي خاطري واجرح شراييني واداويها
أحب أمسح من خدود اليتيمه دمعها الحرّاق=واضحّكها وادلّلها وابكّي من يبكّيها
سقاك الوصل ياروض الغلا بامر الله الرّزّاق=ولعيونك بنات أفكارشعري طاب ساقيها
نقشت اسمك بحرف من الذهب في صفحة الخفّاق=وزرعتك في بساتيني ونهرالحب يسقيها
لأنك فارس أحلامي ولك تدفعني الاشواق=بقلبي لك مدينه ماسكن غيرك مبانيها
جمال الورد مايكّمل بدون الغصن والأوراق=دخيلك كيف تقدر تقطف الورده وتهديها
ينابيع الوفا عذر السحايب والجمال أذواق=كفايه خنجر الساعه ماترحمني ثوانيها
طموحات وحكايات وسوالف لحظة الاشراق=على جمر انتظار أفراحها ماتت أمانيها
وعصافيرالغرام وسدرة الأحلام والمشتاق=وهمسات الوداع ودمعته ماني بناسيها
على ثغر الأمل بسمه خجوله بانتظارعناق=تترجمها مشاعر صادقه باسمى معانيها
أسافر مع عناقيد السحاب وساري البرّاق=وحالي مثل من حاول يكحّلّها ويعميّها
حفرنا فالصّدور قبور لجل العهد والميثاق=وقتلنا أسرارنا لايمكن الأيام تحييها
متى نور الفرح يكتب على ليل الهموم فراق=ويمسح ذكريات الحزن حاضرها وماضيها
ألا يالله سألتك يالعظيم الواحد الخلاق=سألتك باسمك الأعظم من الفردوس عاليها[/poem]