مسؤلية القلم (23)
[poem=font=",6,blue,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/67.gif" border="ridge,4," type=0 line=0 align=center use=ex num="0,black""]
صحيح إن القلم يكتب ولكن القلـم محكـوم =وحكمه في يد اللى يحمله ويحضـر إمـداده
أذا أمسكت القلم تكتب تذكـر واحـد قيـوم =يشوف اللي كتبت وعالـمٍ سريـرة عبـاده
تفكر ياإبن ادم في مصيرك والاجل محتـوم =ولاتقـدر تنقـص يـوم وإلا تزيـد عـداده
تعلم من حياة الغير ذا معطـى وذا محـروم =وذا صائب وذا مخطئ والأخر راكب عنـاده
تولاهم عظيمٍ يعرف الطيب مـن المسقـوم =ويسر شأنهـم وأعطـى عطياتـه لعبـاده
كتبت الشعر منذ عشر ثم اصدرت لي مرسوم =على نفسي وعاهدت القلم لرضي به السـاده
ولاأكتب غير مايرضي ولاعن الخطأ معصوم =ولكن ابذل المعروف والمعروف لـي عـاده
ليازرت البلد تلقى البلد في شارعه مزحـوم =ولن زرت المشافي وإنهـا مليانـه زيـاده
ولن رحت الشواطي لتنزه شفت فيهـا كـوم =من المتنزهين اللـي تنزهـم لهـم عـاده
ولن فرقت بين أعمالهم في ظالم أومظلـوم =وجدت الفرق شاسع تنتقد وتشـوف نقـاده
فسبحان العظيم الرازق اللي وزع المقسـوم =من الاخـلاق والاأرزاق ذاشعـبٍ وذوقـاده
مايمنع عنك حسادك ولو شعره لأمرمحسوم =تيقن ذا اليقين وخلها فـي النفـس مرتـاده
ختام القول صلوا ياعباد الله على المعصـوم =بذكر الله يعرف العبـد مرواحـه ومعـواده [/poem]