توك صغير وهمّك شماغ وعقال
والباب ماهو عن نواياك مصكوك

أحلامك أحلام وطموحاتك آمال.
ابوك يقدم لك ما فــ البنك والبوك

لاعاد تنشدني يافارس عن الحال
وأنته تشوف الدمع لازال مسفوك

مرت سنين وصآفي الدمع همال
والقلب بين النار والموت والشوك

اسج أدور شي(ن) يوسع البال
لو سلوتي من دونها ريب وشكوك

يالوع قلبي عد ما ميل ظلال
عندي مع اللوعه مواثيق وصكوك

من شي في صدري نذيراً بالاهوال
صمام في قلبي من الوقت مربوك

يابوك انا في يوم مقفي ورحال
وتبكي علي ايام وتعزي اخوك

اوصيك يافارس ترى الوقت ميال
اسمع كلامي زين واحرص وانا ابوك

اوصيك تقوى الله في كل الاحوال
ولا تجافي الاقراب لو كان جافوك

خلك مع ربوعك كما الغيث همال
ان طابت افعالك ترى الناس حبوك

والزم حدود الطيب في كل الافعال
ان شانت افعالك ترى الناس شانوك

ولا تصاحب الرديان شينين الاعمال
ان جيتهم ساعة لوازمك خلوك

ولا تقضي الحاجات من عند الانذال
ان سنحة الفرصه لهم يوم هانوك

وحذر تقرّب مجلس القيل والقال
احباب قدامك واذا قفيت سبوك

__________________