السلام عليكم ورحمة الله
تشرفت بدعوه من الاخ الغالي عبدالله العطافي
ويشرفني تواجدي بهذا الصرح الشامخ والجميل
مصافحه اولى اتمنى ان ترقى لمسوى ذائقة ماريها
لعبة الأيام

يا رحلة أيام العمر من وين.؟ ودِك نبتدي.!
بكتبك ..قصه.. كل عين إتناظرك .ما ملتك

أنا ابتديت تولمي عاني القلم... صار .بيدي
وابغى على قدر السوال إليا سألت .إجابتك

امشي على هونك شوي شوي مابيك تعَدي
ونفس السوال ..اكرره ..من وين نبدأ قصتك

من ساعتك ؟ وإلا؟ نحول للزمان الجرهدي؟؟
اللي طوى أعوامك غدر من عقب ذبح آهلتِك

وإنتي على ما قيل ذباحة بشر. مير.. اهجدي
مالك لوى مابه دوى مأحدٍ عرف لك علتك

غير الشهور اللي محت وجهك بهجعة مرقدي
جزاك من جنس أعملك في هجعتك ..ما هنتك

لا تهربي باقي بخاطر ...سايلك ..... علمٍ مدي
إنتي إن مللتِ ..طلته.. هو حيل يعشق ..طلتك!

في ليلته يرقبك بين ..أسهيل ....ونجوم الجدي
لأسدل عليك الليل غيمه من ظلام ....وظلتك

وين الوجيه ؟؟ اللي توارت بين يومك ..والغدي
يا كم بكتك أقلامهم ما تذكري ؟كم .عدتك

وين الطيور اللي بصباحاتك تطير ....وتنشدي
لا فج نورك بالضياء قامت .....تغرد ...غنتك

وين الورود اللي تبسم لك خجل ....تندى ندي
وش ذنبها ضحكاتها تُذبح مع ........فجريتك

يا هل ترى ؟ هم لعبتك وإلا ايش؟قولي يا بعَدي
ما بِك جميل ولا وفاء ؟ تخطي وندمح ... زلتك

وانتي بلا رحمه .....مقاديرك تحادينا .....حدي
هم وتعب حزن وسهر ضيق وقهر من جيتك

شاعرك يا الأيام منبع طيب ....ما صادق ردي
واكبر دليل /إنه قبل موته.... كتب.... مرثيتك