المشاركة الأصلية كتبت بواسطة معاذ القايدي

[poem=font="times new roman,6,black,normal,italic" bkcolor="transparent" bkimage="http://www.solaim.com/vb/mwaextraedit2/backgrounds/11.gif" border="double,4," type=0 line=0 align=center use=ex num="0,black""]
القصيد ان كان ماهو جزْل ماسمّي قصيد=يشره المسبوك والمحبوك يانظّامته
ياقصيدي لو اببني واخترع بحرٍ جديد=تعجز ابيات القصايد ما تطاول هامته
ذاك ابو ناصر عريب الساس للطيب عقيد=شيخ في شهب الليالي شاهدت شهامته
اشهد انه لاحتمى الميقاف ماينقص يزيد=ماخبرت شيوخ قامتها تعدّت قامته
انحر الجزلة بسيف الشعر من حبل الوريد=للزعيم اللي بفعله فارضٍ زعامته
في سما الفزعة فرد جنحانه الصقر الفريد=واختفت بعض الصقور الجارحة ماحامته
عشت للسلمان في وقت القسا ركنٍ شديد=والملام اللي لغيرك عدّتك ملامته
كيف اساوي بالذهب من كان معدنهم حديد=انت ماتصدا .. ذهب مسبوك صافي خامته
وانت راع العرف والمعروف والراي السديد=يفتهم منك الغشيم ان غرّته غشامته
وانت فالواجب شجاع ان حاد غيرك ماتحيد=فدوة اعيونك جبانٍ ذكّته رخامته
وانت راع الاولة وانته على الشدة عضيد=من تعزوى فيك طالت بعدها سلامته
ياحبش لا قلت .. قولوا قالها شاعر عتيد=لانطق مايلتفت لهروج من ذمّامته
البلا ماكل منهو ثوّر البندق يصيد=والبحر ماكل غطّاسٍ يقيس اطمامته
والرجال انواع والدنيا عبر للمستفيد=والزمن طامي وانا سبّاح يادوّامته
يوم كلٍ قال انا سويت قلت الله شهيد=الرعد يرعد ولا هلّت ثعول ارزامته
ياشيوخ اسليم من حرة سليم اليا قديد=من يبي يعرف عوض الله ويش هي علامته
فالشدايد لو تميد اجبال يرسي مايميد=يوم غيره فالرخا ياكثرهم لزّامته
وان نخيته قبل لاياصلك فعله مايهيد=طوّح عقاله من الطنخة وطش عمامته
شيخ نسل شيوخ طيبه للقريب والبعيد=راس ماله ذكره الطيّب بعد كرامته
دون ربعه يقطع اظهور الفيافي بيد بيد=ما انحنى للمعضلات ولاشكت صرامته
والله اني لو بغيت امدح فعوله بالقصيد=تعجز ابيات القصايد ما تطاول هامته
[/poem]