وصية والد لولده ( 6 )
[poem=font=",6,darkblue,bold,normal" bkcolor="royalblue" bkimage="http://www.solaim.com/vb/mwaextraedit2/backgrounds/67.gif" border="ridge,3,blue" type=0 line=0 align=center use=ex num="0,black""]
أسمع وصاتي يا الولد يوم أوصيك= وأفهم كلامي والهدف لا تزلــــــه
عز الفتى ثنتين غيره لا يطريك= دين ومال يعرف حرمه وحله
الدين ترقى به دراجات تعليك= والمال يحفظ دم وجهك وذله
الدين تعبد فيه ربك وباريك= والمال تعطي عاجز تقرب لًه
الدين ترجو فيه ربك وواليك= واللي تصدق به تجي تحت ظله
الدين تاصل به قريب يواسيك= والمال تقرض منه شهم تجله
الدين تعرف فيه علم يقديك= والمال يفتح درب لك ما تدله
الدين له بالوجه نور يحاكيك= والمال لا يغريك دقه وجله
ترى مردك لو طالت لياليك= لابد يوم زائر وش تقله
وأحذر من الفتنه ترى المال يغريك= واحتط لدينك لا تقف بالمزله
وجالس أهل التقوى ولوهم مماليك= واحذر جليس السوء تراه عله
لو كبر راسه لا تغرك حراويك= يخيب ظنك فيه لكن خلًه
هاذي نصيحة من يحبك ويغليك= نور بها فكرك يا بدر الأهله
واللي بقي من نصح ماني بمخفيك= سرك لا تطلع فيه غيرك يعله[/poem]