\7
[poem=font=",6,darkblue,bold,normal" bkcolor="blue" bkimage="http://www.solaim.com/vb/mwaextraedit2/backgrounds/67.gif" border="ridge,4,blue" type=0 line=0 align=center use=ex num="0,black""]
بديت أميز الأبيات وحنا سليم أهـل تمييـز=نميز في نواظير الرجـال وفـي جماجمهـا
نعرف الجابه اللي تعطي المعنى بلا تحييـز=ولا نقبل تحيّز في الرجـال وفـي عمايمهـا
لنا تاريخ يزخر بالفخر والمـدح والتعجيـز=نجيـب الطيبـات ومـن عوايدنـا نقدمهـا
ومن يقرأ لتاريخ العـرب بأمانـة وتركيـز=يجد ما أقول وزيادة على شيوخ ومكارمهـا
بنينا المجد يوم المجد يبنى ساعة التعزيـز=نهـار الله عـز الديـن والقبلـة نعظمهـا
نصرنا المصطفى على جيوش الهمز والتلميز=كسبنا الأولـه والثانيـة قسمـة غنايمهـا
وهذا أكبر فخر للي يعدون الفخـر والفيـز=ليا فزنا بنصر الدين هذا أعظـم عظايمهـا
وفي هذا العصر يوم القبايل جا لهـا تفريـز=حكمها الحاكم العادل وباب الفتنـة ألجمهـا
وبايعنا على الطاعة وعاهدنـا بـلا تخويـز=وبيعتنا علـى التوحيـد واضحـةٍ معالمهـا [/poem]