المشاركة الأصلية كتبت بواسطة عبدالله العطافي

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مرت سنين العمر فيها تجربة خمسين عام =منها عطتني وجه واغلبها لقيت جنوبها
منها تمام وبعضها من كلها ماهي تمام =ان جاتني مَره بسكرها عرفت أسلوبها
تستدرج الأفكار في راسي وكلٍ له مقام =وإنما نصرفها تزيد ويرتفع منسوبها
تجئ رعود وبرق وأكثرها تجئ سحب وغمام = تجئ جميع وكسّرت راسي بكثر ضروبها
تجئ تراودني وأراودها على درب السلام=وأحاول أكرمها وأجلسها على مأجوبها
أنقى السمينه عين قبل تضيع في وسط الزحام=ماهمني كثرة تحذرها وعسر دروبها
بعض العرب ودك تعلقهم على صدرك وسام= من زيّن نيتها وصحبتها وبيض قلوبها
ما للكريم الا الكرم لن حل في دار الكرام=وأهل الطلب عند العرب تحصل على مطلوبها
وما للضيوف ليا لفوا غير الكرم والاحترام=وما للضعاف الا تجنبها وستر عيوبها
والطيب في المجلس وبعد الطيب ياطيب الكلام= وختامها كفارة المجلس وترك ذنوبها
ياربي اغفر لي ذنوبي كلها عند الختام=إذا طويت الصفحة اللي ما اعرف مكتبوبها
وصلوا على محمد عدد من حج للبيت الحرام=وأعداد ما صلت عباد الله على محبوبها [/poem]