بســــــــــم الله الرحمن الرحيم

هذه قصيدة عنوانها
((( سواقة الحريم )))

لسواقة الحرمه وطش العبايــات
وتصويرهن وسط الرخص والبطاقات
وكشف المفاتن واختلاطن فالاعمال
واخراجها من بيتـــها للادارات
هذي سكرتيره وهذي مراســـل
وهذي على الحاسب وتدخل بيانات
وهذي تناوب نوبتن بآخر اللــيل
وبكره زميلتها وهنـــه طبيبات
والكابتن الطيار والا المســـاعد
وتوزيعهن بالطايرة والمــطارات
على متن بوينق روحه وجــيه
تقديم رحلاتن وتأخير رحــــلات
وليا نشدت الناس وشهو عملهن
قالوا ماتعرف شي ذللي مضــيفات
واقف وباعلى الصوت أعلنت رفضي
لافكار تنشر للبدع والضـــلالات
لازم نصحح وضعهن بالوظــايف
ونضبط عملهن قبل ندخل متـاهات
ماني برافض فكرة إدخالــهنـه
سوق العمل نفتح لهن به مجالات
ونعدهن إعداد راقي للأمــــة
بهن ترى تبنى وتهدم حضارات
وومورهن لا بد تدرس بتنســيق
ويعمل عليها أهل كفاءة وخبرات
ونراعي الدين الحنيف الميـــسر
ما نتبع أصحاب الجهل والجهالات
والخير في ها الوقت صار متزايد
والمجتمع محتاج منهن خــدمات
يا ناس ياهل الميز والا العـوارف
ردوا ان كان أخطيت قولوا سلامات
موجز من التعبير عن بعض الافكار
اللي خذت بالراس لفـه ودورات
وختامها صـلاة ربي عـلى اللي
في بعثته للناس بشرى وخــيرات


وســـــــــــــــــــــلامتكم
الشاعر / عبدالمجيد بن مغنـــم

__________________
مالي غير العافية شف واريد ,,,
الا العفو والمغفره لا خذاني ,,,
وغناي في دنياي عن زيد وعبيد ,,,
راسن عزيز ولا اقبل إنه يهاني ,,,