قصيدة البن
القصيده الثانيه والثلاثون للشاعر/سيف الصادري
يافهيد يابن العم باكياسنا البن
ورث الجدود اليا خرمنالحمسه
فنجال من بنا وهيل مقنن
يسوى مية فنجال ماقول خمسه
والزعفران ان كان زدته يجنن
يطير عنك النوم ويطير عمسه
ويزيل حزنك كان وانك محزن
وتجمع على القهوه رياجيل نمسه
واللي يجيب العلم قوله مبرهن
مثل النهار اليا طلع فيه شمسه
والنمر مايضحك ولو بان له سن
ياقشر نابه لو يلمسك لمسه
والشحم ماياتي كما الزيت والسمن
لو كان فيها تغمس الزاد غمسه
احدا كلامه فن لو ماتفنن
واحدا ما يعرف كيف قوله ورمسه
واحدا كانه كان ملبوس بالجن
مليون شاعر مايجي معه همسه
يرسم على الاذهان صوتا ملحن
نوره سطع بين الكواكب من امسه
هذا ليا جا الناس منه تصخن
محتاسه اسلاك وفيوزات جمسه
__________________
اللهم صل على محمدا وعلى اله وصحبه احمعين
ياناشدا عني ترى اسمي مهند
سماني ابويه على حلم عينه
مع الرسول ومن في عصره تجند
لاجاء صليب العظم يقطع متينه
|