بسم الله الرحمن الرحيم ..
أولاً ..
ما ننسى إنو الغرض الرئيسي من الإجازه .. هو الراحه و التسدح ..
ولكن هذا ما يمنع إننا نستفيد منها برضو ..!
كيف نستغل الاجازه ..؟
أكيد كل واحد وحسب ميولة وهواياته وإهتماماته..
1) أنت أكيد عندك هواية ..إحرص عليها و طورها ..
( وإذا ما تعرف شنو هوايتك هالاجازه فرصة لك إنك تبحث عنها .. جرب نفسك في الرسم في الكتابة في التصميم في القراءه ...إلخ ..)
وبإذن الله ما تنتهي الاجازه الا وانت عارف شنو هوايتك .. 
2) حاول تتعلم شيء جديد(التصميم , الطبخ , التصوير..إلخ ) ..
انتبه تمر الثلاث شهور وأنت زي ما أنت ما تطورت في أي جانب من جوانب الحياه ..
3) صلة الرحم .. زور أقاربك .. وقابل حبايبك .. واحتسب الاجر في ذلك ..
4) الترفية .. وما أدراك ما الترفيه ..له النصيب الاكبر من وقتنا في الاجازه ..
الحين احنا باجازه ومالك اي عذر تقول ما عندي وقت .. إطلع مع أهلك قد ما تقدر ..
( منتزهات , مطاعم , بحر , سافر معهم و ونسهم ).. بكذا تكون ( أدخلت السرور على قلب مسلم ..وكيف إذا كان هذا المسلم أمك وإلا أختك ..!)
جلستك ع النت حاول إنها تكون مفيدة شوي ..
يعني النت الحين فيه كووووول شيء ..
ممكن تتعلم انقلش وتتعلم التصميم وتتعلم فن التصوير الاحترافي ...إلخ
وأنت منسدح على سريرك ..
والله النت فيه كثير أشياء مفيدة .. بس إحنا للأسف ما نستغلها .. 
سجل في نادي .. ترى رمضان جاي ..
وتعرفون عاد الاكلات اللذيذه لا تقاوم 
وما ينتهي رمضان الا الواحد زايد 3 أو 4 كيلو ع الاقل ..
لما تسجل بنادي تكون حافظت على صحتك .. وممكن يكونون أصحابك معك ويصير وناسة ..
5) فيه وظائف للشباب ( في بنده والا في الفنادق والا في المطاعم ) تكون سهلة .. ورواتبها معقولة .. يعني حلو لو تقدر تتوظف فيها ..
أقلها تحس إنك مستقل شوي ..
أشوف أقاربي يشتغلون فيها في الاجازات ..
/
/
وأخيراً .. هذي بعض النقاط اللي جات على بالي ..
أعتذر ع الاطاله ..
/
إن أصبت فمن الله وإن أخطأت فمن نفسي والشيطان ..
أتمنى للجميع إجازة ممتعه بالدرجة الاولى و لامانع أن تكون مفيدة أيضاً ..
شكراً أخي الفاضل فيصل سعود ..
تقبل مروري ..
أختك .. غلا سليم ..