السلام عليكم ورحمة الله وبركاته


بسم الله الرحمن الرحيم

توفي صباح امس الشاعر الكبير / فيصل الرياحي
فكان خبر وفاته فاجعه للجميع شعراء ونقاد

هذه قصيده مرثيه فيه والله يبيحه ويرحمه رحمه واسعه


[poem=font="simplified arabic,5,black,bold,normal" bkcolor="white" bkimage="" border="double,6,black" type=1 line=0 align=center use=ex num="0,black"]
الزمان يدور وايامه قصيره=كنها ساعة مساء والا صباحي
والعمر للآدمي دين ومسيره=والبنادم سر كتبه ما يباحي
كل يوم اشوف من وقتي مغيره=وكل يوم وهجس بالي ما استراحي
هكذا الدنيا على نفس الوتيره=من زمانٍ فات في كل النواحي
وقفت الساعه على الطيب كبيره=جرحها ماهو من صغار الجراحي
اشهد ان الفقد ماهو فقد ديره=اشهد انه فقد ذربين المناحي
الرجال اللي لهم فالخير نيره=طيبهم من في دلة المعروف فاحي
يرحم الله صاحب اليمنا الجديره=بالوفا عداد ما تذرا الرياحي
واحدٍ فالشعر منقطعٍ نظيره=حط له فالشعر مجدٍ ما يزاحي
بحر شعرٍ فاض شعره من غزيره=بر امان اليا انعقد حبل السباحي
الشجاعه والكرم وانشد قصيره=والخلق والدين واجلال الفلاحي
والتواضع في جلوسه وتعبيره=والتحلي بالصلاح من الصلاحي
يحمل المعروف في داخل ضميره=ويتسامح مع رياجيل السماحي
صورته فالذاكره ماهي صغيره=صورته مزنٍ تحته البرق لاحي
البشاشه والذكاء والله يجيره=من عذاب النار بعد العمر طاحي
يا الله اغفرله ووسع له قريره=يا موسع فالسماء لأم الجناحي
أنت عفوك عفو ما يقرن بغيره=انت ماغيرك موفق للنجاحي
نفسه لعفوك يا خلاّقه فقيره=أعف واغفر فالغدو وفالرواحي
جعل قبره خالطٍ مسكه عبيره=مثل ما صدره بفوح الطيب فاحي
وعظم الله اجر شعار الجزيره=في فقيد الشعر ابوبدر الرياحي[/poem]










..

__________________
.