[poem=font="times new roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
انت الهجير وانت لي شبت النار=وانت الخوي اللي ترافق مسيري
مقّدر على بعدك ولا غيّرك أختار=انا مصيرك وانت مثلي مصيري
بك اتجهم عتمت الليل ما أحتار=وفيك أتذرا من عنا زمهريري
لا حل ليلي انت لي حسبت الدار=ون طال عادي مايغير أثيري
يعني ابد ماهمني لو بعّد جار=مادمت عندي فيك انا مستجيري
ماهاب انا لو قاسي الليل جبّار=وشلون أهاب الليل وانته خشيري
ماله علي تأثير ويمر مرار=بردي وحري انت وانته حصيري
ليا اشتعلت وصرت من داخلي حار=فيك الهجير اللي يطفّي سعيري
ليا بردت وصار مكتوب الاقدار=فيك اتدفا عن تزايد هجيري
وليا اختلط ليلي وليلك والاسرار=انته فهمت اللي بداخل ضميري
ارد على جمّك ليا صار ماصار=وارويك انا من جم ودي الغزيري
ونصير انا وانته مع الليل سمار=انا عبيرك وانت فايح عبيري[/poem]

__________________

خالد مبارك بن مبيريك المعبّدي الحربي