المشاركة الأصلية كتبت بواسطة عبدالله العطافي

إخواني واخواتي الكرام

السلام عليكم ورحمة الله وبركاته

متواضعة جديدة اضعها امامكم

للعلها تنال رضاكم واستحسانكم

[poem=font=",7,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

******
سبحان ربٍ نزّل الوحي تنزيل=على رسوله والشرائع شرعها

رب حمى الكعبة ومكه من الفيل=اهلك هل الباطل ومكة منعها

ارسل على جيش ابرهة طير ابابيل=ترميه بحجارة وجنده صرعها

ونفس الفتى تأمر. ب بعض الدواليل=ان كان. ما عنها بنفسه ردعها

كم واحدٍ جرّت عليه الغرابيل=من طاعها في غيها ما رفعها

للصقر وكر وللحديا مداهيل=الصقر فوق وذيك مع مجتمعها

والناس كلٍ في طريقه عراقيل =احدٍ سلم. واحدٍ حياته دفعها

وان كان ماتقدر لبعض المواصيل=الكلمة اللي ما تجملك دعها

ترى السكوت افضل لبعض الرياجيل=من كلمةٍ عيبٍ على من تبعها

سقط الكلام وكثرة القول والقيل=كم جر شر وكم علاقة قطعها

اما كلامِ يرفع الراس لن قيل=والا حذفت الشات والي طبعها

حتى نقفّل باب عوجٍ مقابيل=ما عاد يرجى فايدة من سنعها

كلمة غشيمٍ من صنوف المهابيل =عيبٍ عليه وتوجع اللي سمعها

ليته تركها ما لحقها بتحليل =والا قبل تأصل لسانه بلعها

والأدمي نهار جمع المحاصيل =يندم على اللي فاتته ما زرعها

اما ندم على دراسة وتحصيل =والا على ثروة نسي ما جمعها

وأكبر ندم ساعة توفى المكاييل=على سجود وركعةٍ ماركعها


[/poem]


************ ****** ****** ****** ******

اخوكم / عبد الله العطافي السلمي