مــن نـهـر ماتنقـصـه ورد الـعـرب بالـمـره

مثل نهر النيل مايحسب حساب الظامي

مرحبـا بالشاعـر اللـي مـن سبـاع الحـره

من خلق نامي ياليـن يمـوت وهـو نامـي

من بحر موجه خطير وتحت موجـه دره

مثل بحر المملكة موجه خطير وطامي

الـبــقــا يـاشــاعــرن قــــــدوه ولله دره

كان فالحره وعهدي بـه هـذاك العامـي

انـــت يـانـامـي تـلــد عـيـونـك المـحـمـره

ماتشوف الماس الاشقر والحزام حزامي

الثبـيـتـي قبـلـنـا يـقــول قــــص الــجــره

يـاخــوي الـجـنـب لاخـلـفـي ولاقـدامــي

يامحـمـد مـايــداوي كـبــدك المـحـتـره

غير كيه من مقابيس الشهاب الحامي

بعد ابو مشعاب قال ان الضمايـر حـره

يـاخـوي الجـنـب لابـانـي ولاهـدامــي

الحقيـقـه فـاكـثـر الاحـيــان حـلــوه مـــره

والوساطه نجحت محمل هديب الشامي

راحـوا اللـي مـن ذكاهـم يصنعـون الــذره

لـــو نـبـطـل فـالـشـرا والـبـيـع مـانـلامـي

من نجح بالواسطه دور الزمان يفره

علم اللي مأتعظ من حادثة صدامي

البـدو عنـد الحضـر سوولهـم مغتـره

ثم جات جمالهم فيها جرب وهيامي

المثل يقـول يازيـن العقـل والقـره

لو تزل اقدام غيري ماتزل اقدامي

نجدتي من فعل كفي والعـرب مستـره

مالبست إحرام وقت الحج غير إحرامي

ولـد ابـو عـرام جـاب الكحـل لجـل يــذره

فالعيـون الشاخصـه مـن دورة الايامـي

جاركـم لدياركـم سلـك الحـريـر يـجـره

والزياره حـق علـى سنـة الاسلامـي

بالامـانـه مــر شايـبـك الـمـوقـر مـــره

قله اني في غيابه ماقطعت إعرامي

جـارنـا لــن زارنــا نـذبــح لـــه المـجـتـره

وإن طمع فديارنا شكره على الاعدامي

شايبي قال ابن طمحي مثل ابيـك بـره

لايجيـه خـلاف لـو يــزرع لــك الالغـامـي