بقايا حلم


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كبير أمنياتي ضآع في زحمة الآهات=عسى خير .. ياقفلة طموحي وبسماتي
وعسى خير .. ياكبت الزمن بـ/أسعد الاوقات=غموضك .! يبشر بالحزن في نهاياتي
بعثت الجروح الميته في عمآق الذات=بعد ما رميت اللوم في ظل غلطاتي
صدع جورك المرسوم يا حادي الخطوات=وأثآريه يفرض سلطته في ممرآتي
وأنا يوم أسوق الرجل في مرتع اللوعات=أجاهد بقآيآ رحلتك يا طموحاتي
لعل الصوادف بعثرتني وصرت شتات=ولعل القوادم تنحصر في معاناتي
أبقدح على وجه التباريح والعبرات=وأبطلق مفاهيم الفرح في مساحاتي
كفآ.. يارسول الجور مع مجمل الصدمات=هنآ .. بلغ المقصود كامل عباراتي
وفا .. من دعينآ وقفته فاللزوم وجات=ولاكن رمابي فالنهايه على ذآتي
وانا أقول ماقصرت يا ( صبر ) فالوقفات=ولو معظم الاوقات كبلت خطواتي
وألا يابقايآ حلم في تالي الجولات=دخيلك ... وش اللي صار بـ/أول محطاتي
أبا أصلك لو أبدآخلي كثرت الطعنات=ولو حطم (المقصود) كامل قناعاتي
وألا ياصعيب الرآس لاهبت السجات=عليك الله أكبر والسلام وتحياتي
شعور الصدر بالضيق لآ حرّك الزفرات=دخل ذمتك سر الحزن في كتاباتي
ولو راودك ليل السهر مره ومرات=توشح عبآة الحزن وفراشك آهاتي[/poem]

__________________
شــاعــر حــزيــن وراس مــالــي كــذا جـــرح
.. أكــتــب هــنــا مــن نـــزف جــرحـي ( قصأيد ) !