(سلسبيل الهمس)
..................

من سلسبيل الهمس في نبض الاحاسيس ابتديت
لجل عيون الحاتمية نبسط الكف الندي

في بحر فلسفة الحياة . ادري وكني مادريت
وفي زحمة العالم اعيش اجمل خيال بمفردي

من فيض وجدان الغلا درر عظيمة لو حكيت
لبيه يانسناس فجر . ويرسمه حرف ابجدي

يقول عطني من هماليل الشعر لو ربع بيت
واقول كل الشعر لك يعلن خضوعه يابعدي

غربت بي . شرقت بي . وانا على النية مشيت
في خافقي . حددت صدفة معرفتك . بمولدي

جننتني . هبلت بي . وانا سهرتك ماغفيت
طيب وكرم يامحترم اسمع وتفهم مقصدي

صب الاماني في رضا الرحمن واطلب مابغيت
وابشر بعزك . وارفع الهامة . بنوره تهتدي

في عينك . المح شي مايقرى . ولكني قريت
غارات جيشك دمرت جوي وانا في مسجدي

في خاطري كلمة تدمر شعب لكن استحيت
وذلّلَت صعبات الدواهي . للبساط الاحمدي

انا اعرف انك صعب تفهمني اذا قلت: اكتفيت
عبدٌ . فقير ... وراحتي بين الركوع السُجَدي

سحايب الرحمة تصافحني وتشهد لي . وفيت
وعذب البيان اروى عطش فكري وجاوزت الجدي

اغض طرفي . ما انتظر رد الجميل اذا عطيت
واضم بين اهداب عيني ... قدر ذاك الاجودي

ياما انخدعنا . في زمان العولمة . بالإتكيت
وياماتغابينا . وطوفان المصايب . سرمدي

سؤال ؟ داعب خاطري . عن بنتلي جاكر ونيت
كيف اعرف المطنوخ واعرف صاحب الحظ الردي؟

__________________