السلام عليكم
للتواصل فقط مع هالمجلس الغالي علينا جميعاً .
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا عوينكم يا اصحابنا يا اهل الدَين=الدين شلهبكم وشيّـب شعركـم
وانا اشهد ان الدين شين ووذا عين=ويخلي المتحـدث الجيـد ابكـم
لو أن راع الدين له خلق وجهيـن=تشوف في وجهينه الهـم بالكـم
لا تحسبوني مـن رجـال الملاييـن=لا والله الا عايش الديـن معكـم
احاول اعبّـر واصبّـر مصابيـن=واصوّر المشهد واحـرر طلبكـم
لولا الحمول اللي تجيكم من الصين=ثيابكم يمكـن تذكـي غتركـم!
مافيه جوع وفالبلـد رز وطحيـن=يدامكم يـا سمنكـم يـا لبنكـم
تغانمـوا راع الغنـم والبعـاريـن=وتجوّدوا في صحبته لـن دعمكـم
وأنتم وانـا والله علـيّ المضاميـن=اني تقهويـت الألـم مـن المكـم
اضحك وحبل الفكر فوقه سكاكين=وامشّ حزني في شماغـي وفالكـم
تصبـروا والله يعيـن المحاجـيـن=هذا قدر نفسي وهـذا قدركـم !
مباشر الجنه ضعـوف ومساكيـن=واللي وطاه الفقر والديـن منكـم
لكّن خلوكـم صيّـام مصليـن=لا تقطعون الدين منكـم وعنكـم
وتصبروا في كوب شاهي ولوزيـن=حتى يرفرف فالتجـاره علمكـم! [/poem]
وسلامتكـ/م ،،