دار الرحى ما بين عاشق ومعشوق = والكل منهم يحسب إنه طحينه

كلٍ يغني له من الفن طاروق = يخفي عن العالم همومٍ دفينه

احدٍ سبق واحدٍ من سنين مسبوق = واحدٍ سنينه ما تغيّر سنينه

اشوف في جوف السماء تبرق بروق = اخيل برق المزن ما اسمع دنينه

الشوق ما يوجد مع باعة السوق = ولا يخرجونه راكبين السفينه

العشق له منزال عالي ومرموق = ما يعرفه غير القلوب الذهينه

الحُب ما يستاهله زول مصفوق = لو كان ماله ما تشيله خزينه

ياللي وضعتي من على شعركم طوق = الحُب نبراس النفوس الثمينه

ما ظنتي غيري من الناس مخلوق = انتِ تحبينه وعينك بعينه

جيتك وقلبي نبضته كلها شوق = يا زينةٍ من غير مكياج زينه

في قربكم يا بنت يبرا بي العوق = وفي قربك المديون ينسى لديّنه

يا سامعي ليتك معي تحسن الذوق = تفهم على شعري وتكشف كنينه



[/poem]

__________________
[poem=font=",6,white,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/198.gif" border="none,4," type=2 line=1 align=center use=ex num="0,black""]
هذا كلام اللي ابد ما يخافي = الا من اللي يحفظ الطير لا طار
من عادتي يا ناس ما انظر خلافي = لو كان من خلفي براكين واعصار

البس مع اصحابي ثيابٍ نظافي = واخوض بالجزلات في كل مضمار

عيني على العليا براس الطنافي = مرقابها ما يبلغه كل صقار
[/poem]