محاورة بين الشاعر الخلوق (صقر سليم/صقر البقيلي و الشاعر / حبيب العازمي)

حبيب:
السوالف خلها والليل ياصقر البقيلي
والوعد قدام ابو مشعاب وسعيد الحليلي
قبل تشتال الخفيف وقبل تشتال الثقيلي
والكلم الصدق مايبني البيوت الا عمدها

صقر سليم:
الوعد قدامهم وتجيب مستور العصيمي
والزلامي وادع انت وبجاوب ياخصيمي
لين نعرف ضربة السيف المهند والقديمي
والكلم الصدق مايبني البيوت الا عمدها

حبيب :
بينه متعينه متفرقه ماتنتجمع
وانت لك عين تقص الدرب والاخرى تدمع
وان ضحكنالك شويه لاتطيش ولا تطمع
والكلم الصدق مايبني البيوت الا عمدها

صقر سليم :
بينه متعينه وانت توقع وش توقع
تترك الجم الزلال وتشرب السم المنقع
ليش بعض احيان يوم تجيبها ما تنترقع
والكلم الصدق مايبني البيوت الا عمدها