والله أني ماأتنكر للجميل
ولاابخل ابفعله ولا ادور جزاه

وأبحث أعن الطيب والقول الجزيل
وابذله واوجهه 00للي بغاه

واحترم من يحترمني لو زميل
واغلي الطيب واقدر له غلاه

ولاش لي عن رفقة الطيب بديل
والردي 00 والله ماادور وراه

لايجي يمي ولاله من سبيل
غاسلٍ يمناي منه ومن ظناه

والمقفي لو طلع في كل جيل
المقفي وجهه يشابه قفاه

والرفيق اللي على سدي ظليل
آتشرف فيه00 واحيي نباه

واحشمه وادسم اسباله واشيل
عنه حمله واتفانا في وفاه

واوقف ابموقف يشرفني لقيل
ما بخل في موقفه دون اقرباه

ماني أبمن يوقف أبموقف هزيل
في لزومه عند ربعه واخوياه

وإن نصيت انصى التكانه والثقيل
ومن قصدني والله أني في حراه

وإن بغيت أضيف ما اضيف البخيل
وإن طلبت اطلب كريمٍ في عطاه

وإن خاويت أخاوي الشهم النبيل
صاحب الوجه الطليق لمن خاواه

رجل ما صر 00 الكثير ولا القليل
ولاحسب 00 قيمة غداه ولاعشاه

وإن عنزت أعنز على الله الوكيل
هو وكيلي هو كفيلي فالحياه

رب كل الخلق 00والظل الظليل
واحدٍ يُرجى 00 ولايُرجى سواه

__________________