الشام
كم واحدن فالعيد ماهوب مرتاح
انشد وتلقى مايوثق كلامي
تلقاه وسط الشام ماعاش الافراح
وين الفرح لاصار بيد الحرامي
محدن سمع وش قال حتى ولو صاح
مايستريح البال والضرب حامي
ياهل العروبه ليش ما دمكم فاح
نقرا عليكم ياعربنا السلامي
خذلانكم بين مثل نور الاصباح
يوم الدول تضحك بكم كل عامي
كلً يقول اريد لشعب الارباح
نامو على خذلانكم يالنيامي
وينك يابومتعب عسى الهم ينزاح
يالفارس الزيزوم شد الحزامي
شعبك تحت امرك بمسرى ومسراح
الظلم طول من يريد الظلامي
بشار فأهل الشام يصلخ وذباح
لاوالله الا معيدً بالكرامي
نبي لهم مرواح ماهوب مرواح
تكفى وتكفى يارفيع المقامي
مركاضكم مثل الدوا لكل الأجراح
يشفي غليل القلب عقب الهيامي
تكفى يابو متعب ترا الصبر قد باح
ماباقي الا العيد عقب الصيامي
القلم
|