رد: ديوان الشاعر / سيف عايض الصادري
_____________________
مات الشجر واسبابها عروق يباس
مثل مامات العقل في روس جهال
يقلون لي صادق تصدق حكي ناس
الكذب عيب وقايل الصدق رجال
قلت اعذروني سوقكم فص ونحاس
والصدق كنز نحفظه قبل الاموال
وان كان الموج يسبح بالانجاس
البحرطاهر يغسل ادران الانذال
الصدق حجه لن حمي دق الاجراس
والكذب كذب ويكشف لسترالاحوال
الضادق اللي دايما رافع الراس
يعرف طريقه زينما شك في حال
والكاذب اللي داخل الصدر وسواس
يخاف يكشف كل هرجه وماقال
الصدق ينجي يوم ياقفن الانفاس
وتنطق جوارحنا على كل الافعال
والكذب درب التهلكه درب الافلاس
ماينفعك لاحط في يديك الاغلال
وختامها صلو على كل نبراس
على رسول الصدق في كل ماقال
__________________
اللهم صل على محمدا وعلى اله وصحبه احمعين
ياناشدا عني ترى اسمي مهند
سماني ابويه على حلم عينه
مع الرسول ومن في عصره تجند
لاجاء صليب العظم يقطع متينه
|