قصيده من الموروث الشعبي اجد فيها الكثير من ما يحركني تجاهها لاحد نجوم الشعر/ رشيد الزلامي
تتكلم عن نفسها والكل يفهمها ويدرك معانيها
الا يالله اني طالبن طاعتـك و رضـاك ** و علمٍ ليا ذكروا هل الخير نذكـر بـه
أنا في رجا عطفك وانا ملتجي لحمـاك ** تفرج هموم القلب يـا فـارج الكربـة
إليا ذعذع الغربي و حرك غصون الراك ** و ناح الحمام و عالي الصوت يجهر به
تنهت مثل المضرم اللي لقـا التمبـاك ** تنهت صويبٍ مونـسٍ لكـزة الحربـة
أجاوب حمام الورق يالايمـي عسـاك ** يحدك زمانك يـم مـن لا تبـي قربـه
ذليل ليا جيتـه خجـول تعـد خطـاك ** تلزا وقلبك واهـج النـار يسعـر بـه
ألا يا حمام الـورق هيضتنـي بغنـاك ** مع الهم و الغربال و البعـد و الغربـة
ألا يا حمام الورق ما شفت ولا جـاك ** ترى ينفـع المهمـوم علـمٍ يبشربـه
عن الدار و أهل الدار و السر ما يخفاك ** غريبٍ تحداه الزمـان و قلـع سربـه
من أول يجوز العذر للي يروح هنـاك ** و أنا اليوم مالي عذر ويش أتعذر بـه
مسكها حكيم الراي و إن دارت الأفلاك** و قاد السفينه و أشرق النور مع دربه
المصدر
http://www.smanalhrj.com/vb/showthread.php?t=9672