السلام عليكم ورحمة الله وبركاته

إليـكم مع التحيـة ,,

مدخل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
خلك على قد حالك وانظر لمستواك=مايشري العقد غير اللي عرَفْ قيمته

[/poem]

متواضعة جديدة , أتمنى أن تنال رضاكم واستحسانكم ,

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


لاتطْفي الشوق للبسمه بثغر اليتيم=وازْرعْ بدربه سنابل عِطر معنى الحياه
اختار جزل المعاني واستثير السديم=واسرج خيول القصيد لمن سرقني هواه
واضم كف الوفا في صمت خاشع حليم=وعلى سواحل عيون الموت نكْسب رضاه
سألت عنهْ الأماكنْ والزمنْ والنسيم=كيف استباح الخفوق ومرّ به ما سقاه ؟
أجوعهْ أضماهْ سهمهْ صابني في الصَّميم=ولعيونهْ البدرْ صافي نورْ زايدْ حلاه
في حضن مُر الصّبر طعم الهنا والنعيم=إحساس فيض المشاعر نبْض فتنة غلاه
يلوح برق العطا . في نون عين الكريم=ويرخي لثام العسل ويذوب بين الشفاه
لهيب جمْر العطش وأنفاس لفح الجحيم=للروح بلْسم جروح وللأماني زكاه
في عنفوان الغضب بردْ السوالف رحيم=نسبح بحور الخيال ونكْره الإنتباه
ما بين ذبْح المشاعر والطموح العظيم=أصافح الصمت وأضُم الجروح العُراه
عاتبت قلبي وعاتبني بمنطق حكيم=وبديت رحلة غريق اليَم نحو النجاه
بين الأمل والمتاهه والسراب اللئيم=كنز القناعه لطم خد الفقر واشتواه
قوم اشعل الحُب للبسْمه بثغْر اليتيم=وازرع بدربه سنابل نورشمس الحياه


[/poem]

ودي وتقديري

دمتم بكل الحب في حفظ الرحمن

__________________