تـــابــــع


كما قال حفيده محمد بن عبدالله السحوب فى رثاء جده :


يالله يامرسـل محمـد بـالاعـراب
%%% ياللي بأمرك تخشع النفـس وتنيـب
ياللي خلقت الكون وأقدرت الاسباب
%%% وانته على عرشك تلبـي المطاليـب
انا اطلبك واللي رجا منك ماخـاب
%%% أتعوضنا في الشيخ راعي المواجيب
فيصل ولد فراج معروف الانسـاب
%%% راعي الكرم والطيب شايم عن العيب
مرحوم ياللي ماتزحـزح ولاهـاب
%%% يقدم ولايحسب حسـاب العواقيـب
في سيرته يعجز مولـف وحسـاب
%%% وهو يدون فعل عطـب المضاريـب
وعن سيرته يخسى مزور وكـذاب
%%% ماله مجال يشك في مرتـع الطيـب
اللي رفع ربعه على روس الاجناب
%%% راس العرب لاثار عـج ولواهيـب
واليوم قد له عشرة أعوام من غـاب
%%% واللي مكانه يفصل القول ويصيـب
عبـدالله اللـي للطويـلات كسـاب
%%% اللي خذاها عقب خبـره وتجريـب
مايلحق المقفـي ولاهـوب طـلاب
%%% واللي نصى يبشر بعـز وتراحيـب
أمير زعب موطيـة كـل الاشنـاب
%%% أرفع بها صوتي وأسجـل مكاتيـب
هي لابتي لامن برا النـاب للنـاب
%%% سم العدا شهد ونـدى للأصاحيـب
لهـا مثـل ماللعـرب سلـم وآداب
%%% واللي يحاول مسهـا فالـه يخيـب
وختامها صلوا على سيـد الاحبـاب
%%% اللي عليه الوحـي منـزل بترتيـب



- الأميرالحالى لقبيلة زعب الشيخ عبدالله بن فيصل السحوب ، خلف والده بامارة قبيلة زعب ورئيس مركز هجرة الحسى ، وهو من الشيوخ القلائل الذى يتمتع بواسع من الثقافه والاطلاع وله حضور لدى ابناء قبيلته كبارا وصغارا والحمدالله انه سليل هؤلاء الشيوخ اللذين يتعبون أبناءهم من بعدههم على الطيب والكرم والشجاعه والله يسدد خطاه ويوفقه لخير دينه ودنياه .
هذه قصيده لشاعر زعب / سعود بن مدلاج الزعبى فى امير قبيلة زعب الشيخ عبدالله بن فيصل السحوب حفظهم الله جميعا .



أذكر الله قبل لابـدا سلامـي والجـواب
%%% وأستغفر الله سبحانـه الخالـق واتـوب
ياسـلام الله سـلام ألـذ مـن الشـراب
%%% مايساق ألا على الشيـخ نطّـاح النبـوب
يامحمد لو تكرّمـت أخـذ منّـي كتـاب
%%% وأحترامي لك بصوب وتحياتي بصـوب
ياعريب الساس يالليـث يانـزه الجنـاب
%%% وصله ياشيـخ شيـخ مقـدّر ومحبـوب
لابن فيصل سيفنا الصلب مصقول النصاب
%%% شيخنا ابن شيخنا ابن شيخنا وابن سحوب
من سلايل لابةٍ مجدهـا فـوق السحـاب
%%% واهل الحيزا الى احتكت كبـار الجنـوب
هو ذرانا لا لفانـا مـن الضـد العتـاب
%%% نلتجي به مثل بيـت مـذرى ومحجـوب
وان زهمنا نرخص المال دونه والرقـاب
%%% في نهار فيه ولد الـردي عينـه تـروب



وهذه القصيده للشاعر / صقر بن سالم العرجي القحطاني فى الامير عبدالله السحوب كذلك .

هاض مابي في التماثيل مادور خبيـر
%%% وأتخيّر في الطواريق من حلو الكـلام
صوب عبدالله تعنوا وحثـوا بالمسيـر
%%% شرفوا من يفعل الطيب بالجيّة اشمـام
كل شي ٍ باقي ٍ ليـن تاتـي يالأميـر
%%% حالف ٍ ياقبل ماتيـك مابـدي بالكـلام
عند أبومحمد لمن جوه ينحلّ العسيـر
%%% سيف هندٍ من يشيله يقص به العظـام
مثل حر ٍ لاعثا في الحباري ماأطّيـر
%%% شيخ جمع ٍ يلطم الشره في يوم الزحام
مقدم السحوب لخوان وضحى يستشير
%%% الشيوخ اللي بصفه كما صف النظـام
يعرفون أخوان وضحى لما ثار الذخير
%%% وكم عقيد ٍ حولوا به عليه الطير حـام



وهذه القصيده الرائعه للشاعر محمد بن ايراهيم بن سالم آل سالم الزعبى فى الأمير عبدالله بن فيصل السحوب وأبناء عمه زعب :

بديت بإسم اللـى ينشـى المزونـى
%%% اللى ينزل من السحايـب مطرهـا
والبارحة فى النوم ما أمست عيونى
%%% والنـوم خالفهـا وخالـف نظرهـا
يقول من ولـف حسيـن اللحونـى
%%% ياخذ مليح القـول يتـرك قشرهـا
من شى لجا فى الصدر لو تفهمونى
%%% خطر يضيـق مهجتـى ويحشرهـا
وقمت اقتطف واعاف ما كان دونى
%%% والزينه اللـى للنشامـى أعسرهـا
وشعـار نجـد بالمثايـل حدونـى
%%% وكـل تماثيلـه لربعـه قصـرهـا
وقمت أتمثل يوم هاضت أشجونـى
%%% مثل التهامى يوم يركـب شجرهـا
وأون ونة واحـد فـى السجونـى
%%% ومعاملاتـه مالـه أحـد ذكـرهـا
وبأسبابها خطرن تجيـه السكونـى
%%% ولاله بنـى عـم تراجـع بأثرهـا
وقم يا نديبى فـوق زيـن الفنونـى
%%% وليمن مشى بالخـد ثـور غبرهـا
مشرى كاش ولا شـرى بالديونـى
%%% جمسن وشكمانيـن يقـرب ديرهـا
ولو تطرده نجـدات مـا يلحقونـى
%%% وليمن تعرض له عدامـه طمرهـا
أنصوا الحسى وصاحى تغلطونـى
%%% أنصوا أل سحوب فى أول بدرهـا
اشيوخنا ليمـن تزامـت الزغونـى
%%% هل دقلت يشيـب منهـو حضرهـا
وتلقون أبـو فيصـل ولا تسألونـى
%%% عطـوه مكتـوب بوسطـه دررهـا
بوسطه سلام عـد ورق الغصونـى
%%% وعد المطـر وعـد نابـت بذرهـا
أميـر سـاس وكلكـم تعرفـونـي
%%% من ساس حصن اللي تجاوز ثبرهـا
أهل الكـرم ومتبعيـن الصحونـي
%%% لضيفانهـم دايـم تقلـط سفـرهـا
علـى الجحيـم دلا لهـم يتبعونـي
%%% والطيب في مدخن كبـار كسرهـا
وقولـو لعبـد الله نبيكـم تجونـي
%%% قبل الممات وقبـل ننـزل حفرهـا
مر حلو باللـي يصييـر ويكونـي
%%% مفراص ماص عند حزت خطرهـا
هواك ليمن هـب عقبـه سكونـي
%%% ورجلك من الله كـل شـي عثرهـا
وسلم على أخوانه وهـم يسمعونـي
%%% عد الرمال وعـد خلقـت حجرهـا
وسلام عد اللي يشـوف الركونـي
%%% لعمانكـم عـد الـزروع وثمرهـا
وسلام آل سحوب عقب أخبرونـي
%%% عد البحـور وعـد منهـو عبرهـا
وأطلب زيارتكـم لنـا وتوجبونـي
%%% ونشوفكم فـي بلادنـا ونحضرهـا
وسلام لزعب عـد عـود لسدونـى
%%% وعداد طلعت شمسها مـع قمرهـا
اللابـت اللـى باللقـا يعجبـونـى
%%% ليمن حضرت شيطانها مع بشرهـا
وليمنهـم زعلـوا بعـد يدجرونـى
%%% ومن جاتـه القـدره فلحـد قدرهـا
وعـزى لقلـب دايـم محـزونـى
%%% يذكر بنـى عمـه ويذكـر عبرهـا
زعب هل الحيزا اللى تفك الديونـى
%%% تفـك مــن قبيلـهـم ليغتـرهـا
وجدانكم اللى حاربوا بكـل كونـى
%%% دون القصير ودون سمعـه خبرهـا
وليمنهـم زهمـوا بعـد يفزعونـى
%%% وفزعاتهم تجلى العلل مـع كدرهـا
وليمنهـم شـدوا وجـو يظعنونـى
%%% ذيدانهم بالخيـل هـم فـى نحرهـا
بمشلشـلات يوسعـن الطعـونـى
%%% وبسيوفهـم وبايمانهـم هـم نذرهـا
وان جو خـدان مسـس ينزلونـى
%%% فى شـف ذيـدان حسـك وبرهـا
وربعى اذا جـو خايـع يرتعونـى
%%% ولا تـذل مـن الجمـوع وكثرهـا
وبافعال زعب العـرب يشهدونـى
%%% وكل البدو تشهد وتشهـد حضرهـا
وليمنهـم طلبـوا بعـد يسمحونـى
%%% مثل الفوارس يوم تعـرف جررهـا
هم محزمى والعضد وهم المتونـى
%%% فى ساعـة كـل يحسـب حذرهـا
كم واحـد سقـوه كثـر الغبونـى
%%% يموت ونفسه عاجـز مـا نصرهـا
يعـل يفداهـم كثـيـر العفـونـى
%%% اللـى مماشيهـم خبـاث دبـرهـا
وعلى العـدو بسيوفهـم يوردونـى
%%% ورد الحيام اللى ضماهـا صقرهـا
ويا جعلهـم حييـن مـا يذهبونـى
%%% وعصاتهم بالعز مـا احـد كسرهـا
وجدانـا مـن قبـل ذا علمـونـى
%%% وعلمت بكبـار العلـوم وصغرهـا
وجدانكـم شيخـانـا وخبـرونـى
%%% وهم عقداء زعـب وهـم سبرهـا
سـم علـى اللـى دايـم يعتدونـى
%%% ومثل الحليب لأصحابكم من ضررها
وليغلطت فاسألو ا الـذى يفهمونـى
%%% عن زعب وأفعالهـم مـع سيرهـا
وان كان قصـرت انـا سامحونـى
%%% الكامـل اللـى للعظامـه جبرهـا
صـلاة ربـى عـد مـا يكتبونـى
%%% على النبى عداد صلبـت سطرهـا



تـــحـــيــاتـــي

__________________
زعـــب // المجاذمة & المتاريك & الغوانم