ناقوس الودآع


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياحبيبي عقب ما دقّ ناقوس الوداع=وعقب ما عين الموادع تفجر مدمعه
انثنى عظم المسافر على مركب شراع=في بحور التيه ريح المصيبه تدفعه
مامعه كود امنياته وعبراته متاع=والجروح الداميه معّه ضمن الامتعه
في مواري غربة التية وفجوج الضياع=داخل اسوار السفر ما تحدد مرجعه
ياحبيبي وانت منزلك من بعد الخداع=داخل الاعماق جرح الخيانه زعزعه
لو تخيلت الهوى في مراتيع النزاع=تحت جنحان السهر فالليال المفزعه
تنثر شتات الغلا مهمهيات الصراع=لاكن الذكرى القديمة تحاول تجمعه
والطيوف العابره كنها لوية ذراع=وانت طيفك لانصاني عسى الله يقلعه
المواصل بات خارج نطاق المستطاع=وانت كرهك في خفوقي بيّدك تزرعه
والشكوك النابعه من علوم الاجتماع=دمرت صرح المحبه وحدّر مطلعه
من عرفتك وانت للعذل وفق الاستماع=لين مفهومك نشب في فخوخ المخدعه
وش بقآ للحب يامن وراك العمر ضاع=فالهوى مافيه احد يصنع اللي تصنعه
والله اني من سوايآك ياشين الطباع=ضاقت ايامي وضاق الفضاء عقب السعه[/poem]

__________________
شــاعــر حــزيــن وراس مــالــي كــذا جـــرح
.. أكــتــب هــنــا مــن نـــزف جــرحـي ( قصأيد ) !