أمشي وهمي جبل يمشي معي وين أروح
.. .. .. .. أزريت أشيل الجبل وأزريت لا أفارقه
كُلّ الخطاوي تعب كُلّ الليالي جروح
.. .. .. .. أرضي هجير وساميه شمسها حارقه
ما غير روح التحدّي في عروقي تفوح
.. .. .. .. قوّة صمـودي على جور الزّمن خارقه
هذا وانا عزّتي دايم إقبالي تلوح
.. .. .. .. لين أصبحت في حياتي ميزة فارقة
أرفض شعور الندم وأرفض طمان السفوح
.. .. .. .. لوكان فيها الحياة غصونها وارقه
مادام فيني نفس يذري وفيني جموح
.. .. .. .. (بابٍ وراه اعتزازي طارقه طارقه(
رغم إمتداد التعب عيا يموت الطموح
.. .. .. .. والشمس بكره رغم أنف الدجى شارقة
ممـا راق لي