ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
القصيده الثامنه للشاعر /سيف عايض الصادري بعنوان حكومتنا الرشيده
سلام منا ياحكومتنا بعد رب العباد
حنا تربينا على حبك من ايام الجدود
عساك ذخراحفادنا واعيالنا اللي في المهاد
وحنا نوفي وعدنا مدام وثقنا العهود
يادارنا حنا هلك ما نتبع ادروب الفساد
واللي يبي فتنه يبي يدفن بها بين اللحود
فيك حرم مكه وطيبه والمساجد للرشاد
دستورنا شرع الله وسنة ولافينا يهود
والجيش يحمي حدنا من شرق لغرب البلاد
وشمالها وجنوبها عبر المنافذ والحدود
والامن فيك مستتب وخيرك عم وزاد
الله يبارك لك في حكامك وحنا فالوجود
نحمي حماكي ياوطنا بالسلاح وبالعتاد
نحمي حماك ياوطنا من عيون اللي حسود
الشعب فيك مهتني بالخير وبحسن الرقاد
وانتي بنيتي الشامخات من المباني والسدود
نسبق حضارات الدول مثل الاصيل من الجياد
صار التطور فالمعارف بعد تكثيف الجهود
خيرات ربي في ربوعك مثل حبات السماد
من هو يدورها لقيها ما يحصلها الرقود
واللي يبي الفتنه لزوم انذر في عين رماد
اما يشوف الدرب والا نطرده برا الحدود
حنا نشوف الناس برا والمجازر والحصاد
الموت فيهم ما نفهم كثرهم ولا الحشود
الله يقوي دولة الاسلام بالراي السداد
لين نكسر راية الفتنه ومن فيها يعود
واختامها صلو من عزه الله بالجهاد
عداد ماشفنا البروق وعد مانسمع رعود