ياراعي المرقاب
ياراعي المرقاب يمك انا جيت
ودي اشوف الي عيونك تشوفه
جيتك بعد ماشفت فالمرقب ابطيت
جوارحك مع ذا الهجوس امخطوفه
اقول لك وش فيك وتقول ونيت******
وتقول ذا المرقاب ماكثر ضيوفه
شوف الصخر منحوت ياشيخ تنحيت
كلً معا ذكراه ينحت وصوفه
اما رسم له قلب ثم قال ياليت
ولا كتب هذا الزمان وضروفه
اتعبني ممشى فالخلا والسباريت
صوتي من الاحزان قد هو امعزوفه
ياما وياما قد تعبت وتمنيت
مير المناوي قدم حظي تطوفه
دنيا تحط الي بلا صيت له صيت
والا ابو المعروف تنسى امعروفه
|