أبيات محاوره متفرقه للجبرتي
لشاعرنا محمد بن شريف الجبرتي السلمي رحمة الله عليه ابيات شهيره قالها في كثير من المناسبات ولكن يفوتنا معرفة كامل المحاورة وهذا لا يمنع من ذكرها نظراً لإنتشارها بين الناس .
فحبيت انقلها لكم لروعتها ومافيها من بيان قوة مقدرته الشعريه رحمة الله عليه
1- قال شاعرنا الجبرتي رحمة الله عليه في حفل زواج :
سلامي عليكم من كبير الجباريت
من الهاجس اللي في بايع وشاري
وانا حاكم الشعّار حكم العفاريت
كما الصقر يوم انه يحكم الحباري
2- وقال مرة في مناسبه زواج حضره خمسة شعراء حيث ادى ذلك الى حدوث ارتباك في الملعبه وقد وصف الجبرتي هذا الحال .
الليله العمه لها خمسه ديوس
وعيالها خمسه عداد ديوسها
احدٍ بيرضعها كما رضع البسوس
واحدٍ مغير يحوسها ويدوسها
3- وفي احد الملاعب كان خصمه الشاعر مطلق الثبيتي وكان من ضمن ماقاله مطلق الثبيتي البيت التالي :
بكره يبا يصبح الديره شيابين
تصبح سليم النمارى في ديرها
فرد عليه الجبرتي
نكرم شيابينكم بأم النياشين
ياللي نمرها تلالا في ظهرها
لن روحوا شام ماجوكم معيدين
مايمسي إلاّ مع الطرقي خبرها
4- وقال رحمة الله عليه في احدى الملاعب وكان خصومه تسعه من الشعراء :
أنا الليله كما عد تهاوت فيه تسع دلي
يروي كل عطشاني وينضح مع جوانبها
ثلاثه واربعه واثنين مكفوتين في حثلي
ياهذا علّم الثاني رياجيل بشواربها
5- وفي احد المناسبات التقى الجبرتي الشاعر مع محمد بن شلاح المطيري :فقال ابن شلاح :
مرحبا بالصاحب اللي حيته تحت حصاته
كل ماأمتدت عليها الرجل تقرصها بساعه
فرد الجبرتي :
البقا بالصاحب اللي سار ماقدم عصاته
حيتي ماتاكل الا من يمد لها كراعه
6- وفي لقاء اخر بين الجبرتي ومحمد بين شلاح المطيري قال
الجبرتي :
يامحمد بسالك ياعريب الجدود
وانت خابرك دايم ماتغط السؤال
انت ماشفت لي فاطر ومعها قعود
حر مفرود حاشي ماوطاه الرحال
فقال محمد بن شلاح :
كل ماجتني الجابه تجيك الردود
وانت رجال لك فالمعرفه راس مال
ناقتك يامحمد عند خالك حمود
وانت خابرك دايم ماتعق الخوال
فقال الجبرتي :
خارجه من حدودي عندكم فالحدود
تظهرون الشداد وتدرقون الحبال
فرد ابن شلاح :
اتعنّد ولاني فالمعاني شرود
كل شي يجينا من جهتكم حلال
7- في احد الليالي التقى الجبرتي والمسعودي رحمهما الله في احد مناسبات الافراح بمكه , وكان احد الوشاه قد عمد الى تعكير الصفو بين الشاعرين , فحضر الشاعران للملعبه وكل واحد منهما لا يرغب في لقاء الاخر ولولا ان اصحاب المناسبه اخفوا اسم كل واحد عن الاخر لما حضر , وعندما بدأت الملعبه وشاهد كل واحد منهما الاخر ايقنا انه ليس من اللقاء بد فبدا الجبرتي بالبيت التالي :
سلام الله برديه تحوز من الرجال رجال
انا ماني مسمي والرجال تعرف اساميها
فرد المسعودي رحمه الله عليه :
هلا يامرحبا بيّه وباللي يوفي المكيال
ومن لا يوفي المكيال يقعد لين يوفيها
8- وقال رحمه الله مره لجار الله السواط في احد المناسبات :
الليله انته يالسواط احمر كما الذيب الحمر
اللي يشوفك من ورا حصني وخشمك خشم ذيب
الناس تعمل خير وانته لانت خير ولانت شر
ان جيت مقطوع الرجا وان رحت مقطوع النصيب
9- وقال ايضاً للسواط :
فلوسك من بلد مكه ومقضاتك من اليابان
ومفتاحك من الطايف وقفلك من بلد ثاني
10- قال صياف السحيمي للجبرتي في احد المناسبات :
الجبرتي مع العربان ثاير غباره
كل ماواق في راس الجبل سد ريعه
فقال له الجبرتي :
الجبرتي مع العربان سايق حماره
لوّ قالوا تبيع العير والله ماأبيعه
***