.... مدخل
جرحك : الذكريات القاسيه والعتاب
وصوتك : اماله المستيئسه والحنين ..!
شاعرك : حزنه الماء في عيون الغياب
لا تموتين .. فـ انفاسه قبل ترجعين ..!
شبي الليل .. لو ضاقت وساع الثياب
واخذي الحلم .. من ظلمة دروب السنين ..!
وان كسر دمعه الطاهر , شموخ السحاب
قولي : لشرهة الاحباب .. ليله حزين ..!
يعتريه امس , لهفة .. للوهم والعذاب ..
صمته الشوق .. كيف بخافقه تصغرين ..؟
دامنا .. من تراب .. وقبرنا , فالتراب
لا تموتين .. فــ انفاسه .. قبل ترجعين ..!
.. النص ..
ضاقت عليك الاماكن يالخفوق العليل
واستوحشتك العيون , ودمعها , والكلام ..
احيان احسّك .. جفا عمرً سراني .. بـ ليل
واحيان احسك .. رجاء حلمً يمر المنام ..
خذ لهفتي .. من دروب الجرح للمستحيل
محتاج اغمض .. على طاري غرامك , وانام ..!
شفني ..! عذرت السنين وقلت صبرً جميل
رغم ان صوتي .. كسره الياس حزن وملام ..
مع كل طاري , يمر , اموت موت النخيل
وانفاس الامال عاشت .. بين برد , وسلام ..
يا صاحبي .. ما نصاك الحزن واقفى دخيل
ولا .. تمنيت قلبك .. ما نبض .. بالغــرام ..!
تمرني .. يا جفاف الصبر .. ليلً طويل
واقطفك من ذكرياتي .. للجفا .. يا حرام ..!
..... مخرج ..
شفني تماديت وكسرت الياس
من قبل لا انسى وانتظرك بشوق ..!
كيف انزعك من صادق الاحساس
والادمي دم , ولحم , وعروق ..
خذ لهفتي .. لليل .. للقرطاس
دام الحكي من شفتي .. مسروق ..!
صح اولك شوق , وسهر , وانفاس
بس اخرك .. جرحً يثير .. الموق ..
ليتك تعب .. واراوده بنعاس
ليتك تحس بوحشتي .. وتفوق ..!
انـا تركـتـك .. لـلجفا , والـناس
من قبل لا انسى .. وانتظرك بشوق ..!
راقت لي كثيراً