الصدى : السابع عشر
جديدي هذا الصدى اتمنى ان يصل لذايقتكم..
ــــــــــــــــــــــــــــــــــــ
شوف القمر واقف ولاشد الرحيل
برد.. ومطر... وقوة أمواج وبحر..
وشمس اختفت خلف السحاب ..
ونار وحطب..وين الدفىء..وكثر الوفاء..
هذا شتاء ليله طويل..
والدرب فاقد له دليل..
يا وقت فيك من المثل يضرب كثير..
ناس..وناس..وسواسها خناس..
وناس..وناس..أعقال وشماغاً وراس..
ياصاحبي الشمس مهما اختفت..
لابد ما تشرق في يوم وتبدل الظلماء بنور..
نوراً يدوم..ياصاحبي الله ياهذا الزمن هي دائرة..
لابد ما تمشي تدور..
قالوا غريب قلت الزمن..!!..قالوا غريب..
عفواً يا صاحبي أنه قريب..
أكيد لا يمكن يكون أنه غريب..
يا صاحبي فيك الأمل مخبور..
مهما يعج الوقت أو أنه يثور..
هات الحطب يا صاحبي نبي الدفيء ..
كثر الجفاء برد..وقل الوفاء برد..
هذا زمن يا صاحبي فيها ليالي سود..
وفيها بشر اسود..يصمت ولا كنه درى..
يضحك بسنه وش راء ضرسه خفي..
يا صاحبي لا شفت ساعات الغروب..
هات الشموع يمكن يطول الليل..
ويمكن يغيب الفجر..
يا صاحبي أرجوك لأترحل تعال..
تعااال شوف الشمس تشرق من جديد..
وشوف القمر واقف ولا شد الرحيل..
إيه القمر واقف ولا شد الرحيل..
من نزيف قلمي..