[poem=font=",6,firebrick,bold,italic" bkcolor="white" bkimage="" border="none,4," type=2 line=0 align=center use=ex num="0,black""]
الشعر له رهبة القسيس واجلال السلاطين = وتوقير شيخ وشعور صْغِير في وقت ابتهاجه
لسان أمه وادب دولــــه وسيفٍ ذو حـــدين = حر لا رافق حرار وسمج عند أهل السماجه
يلهَى مع الملتهي ويموت فاعماق الدواوين = ويصول في راس حشاشٍ بغليونه علاجه
عدٍ(ن) يرده الكريم وترتوي منه القراحـين = وييبس على شفاة من يحتاج له من غير حاجه
ماله وكيل ولا مصنع ولا دكان تموين = كلن على قدر موهبته ومعرفته نتاجه
كم مرةٍ شفته بحالة ذهول وخاطره شين = يشره على كل من حوله وفي يده احتجاجه
لكن لقيته هنا....متسلطن بفضل الكريمين = مصيون من كل نقص وسلوته فلة حجاجه
سليم سووا منه عملاق مفتول الذراعين = واللي مع سليم ساهم لبّسه درعه وتاجه
منهو يبا يشوف شاهد حال يقرا بالعناوين = روايع الشعر تلجم فَمْ من يعرف خراجه
جيته معي له هديه والهديه بالمضامين = لا تغصبونه عليها كان ما جت في مزاجه
والله على خاطري مثل العسل لو ردّها الحين = اجيه فالدايرة لِن راد ربي ونتواجه[/poem]